Magnus Carlsen brjálaðist og lamdi í skák­borðið

Carlsen var að tefla við hinn 19 ára gamla Gukesh Dommaraju sem er einn efnilegasti skákmaður heims og heimsmeistari hjá FIDE. Carlsen gerði mistök í skákinni og skildi dyrnar eftir galopnar fyrir andstæðing sinn.

Er Carlsen gaf skákina þá lamdi hann svo fast í borðið að taflmenn féllu á hliðina. Carlsen strunsaði svo í burtu en snéri fljótt til baka til þess að laga taflmennina.

Hinn ungi Dommaraju virtist nokkuð skelkaður á þessum sterku viðbrögðum Carlsen. Hann róaðist þó er Carlsen kom að lokum til hans og klappaði honum á bakið.