Ráðist með hníf að ung­menni í Hafnar­firði

Tveir menn voru svo handteknir í Langholts/Vogahverfi í Reykjavík eftir að hafa hótað manni með hníf og haft af honum fjármuni. Í dagbók segir að mennirnir hafi í kjölfarið verið vistaðir í fangaklefa.

Þá var eitthvað um ölvun í gærkvöldi og nótt og tengdist það nokkrum útköllum lögreglunnar. Ölvaður ökumaður var stöðvaður í Hlíðum/Laugardal í Reykjavík og var sviptur ökuréttindum. Þá var ökumaður stöðvaður í Grafarholti vegna gruns um að vera undir áhrifum vímuefna og einn sem missti stjórn á rafmagnshlaupahjóli í Breiðholti með þeim afleiðingum að hann féll. Hann var fluttur á bráðamóttöku Landspítalans. Þá kemur fram í dagbók að leigubílstjóri hafi kallað út lögreglu vegna ofurölvi farþega í Vesturbæ Reykjavíkur. Maðurinn var vakinn og gekk síðasta spölinn heim samkvæmt dagbókinni.