Lífið

Geggjaðar gellur í gæsun Grímu Thoraren­sen

Magnús Jochum Pálsson skrifar
Cava-barn Grímu vakti mikla lukku í gæsuninni sem fram fór í Madrídarborg í dag.
Cava-barn Grímu vakti mikla lukku í gæsuninni sem fram fór í Madrídarborg í dag.

Gríma Björg Thorarensen, innanhúshönnuður og meðeigandi Sjóbaðanna í Hvammsvík, var gæsuð af fríðum flokki kvenna í Madríd. Gríma hefur verið með Skúla Mogensen frá 2017, þau eiga tvo syni saman og eru greinilega trúlofuð.

Gríma var áður flugfreyja hjá Wow Air og kynntist Skúla árið 2017 en 23 ár skilja parið í aldri, hann er fæddur 1968 en hún 1991. Parið á saman tvo syni, hinn fimm ára Jaka og hinn þriggja ára Storm, og Skúli á þrjú börn úr fyrra sambandi.

Nú hefur parið, sem fékk sér hund í byrjun maí, greinilega ákveðið að gifta sig og fór gæsun Grímu fram í Madrídarborg í dag. Hitinn var ögn hærri þar en hérlendis, á bilinu 22 til 26 stig og mætti fjöldi glæsilegra kvenna í veisluna.

Meðal þeirra má nefna Heiðu Magnúsdóttur, eiganda Ásmundarsalar; Kristínu Ólafsdóttur, kvikmyndaframleiðanda og eiginkonu Björgólfs Thors; Margréti Björnsdóttur, markaðskonu og uppistandara; Hildigunni Finnbogadóttur, verkefnastjóra hjá Saxo Bank; Signýju Tryggvadóttur, mannauðssérfræðing hjá Controlant; Sigrúnu Helgu Ásgeirsdóttur, markaðskonu hjá BL og Jónu Vestfjörð Hannesdóttur, lögmann hjá Logos.

Gæsunarhópurinn taldi fimmtán konur ef vinstri myndinar er að marka.

Konurnar fóru saman út að borða og þar var greinilega drukkði freyðivín og bjór. Þá voru framleiddar sérstakar GBT-derhúfur sem gæsunarhópurinn klæddist.

Konurnar báru derhúfur merktar GBT, sem stendur fyrir Grímu Björgu Thorarensen og ýmislegt annað.

Cava-barnið, stór freyðivínsflaska af gerðinni Juve & Camps vakti mikla lukku í gæsuninni.

Stóra Cava-barnið vakti mikla lukku meðal viðstaddra.
Gríma var greinilega ekki fyrsta gæs helgarinnar ef marka má þessa færslu Sigrúnar Helgu.

Gæsunin virðist hafa farið heldur hóflega fram ef marka má myndirnar, allavega miðað við það sem oft viðgengst í gæsunum og steggjunum.

„Sætasta gæs heims,“ fullyrðir Katrín Guðjónsdóttir.
Gríma og Hildigunnur stilltu sér upp.
Ástin og lífið Spánn Grín og gaman Íslendingar erlendis

Tengdar fréttir

Skúli bauð Grímu að fara frá sér í kjöl­far falls WOW air

Skúli Mogensen, fyrrum forstjóri WOW air, segist þakklátur fjölskyldu sinni í viðtali í Fréttablaðinu í dag. Hann hafi orðið líkamlega og andlega gjaldþrota í kjölfar falls flugfélagsins og þakkar fjölskyldu sinni fyrir að hafa komið í veg fyrir að hann legðist í langvarandi þunglyndi.

Gríma og Skúli eignuðust son

Athafnamaðurinn Skúli Mogensen og innanhúshönnuðurinn Gríma Björg Thorarensen eignuðust son í gær. Fyrir eiga þau soninn Jaka sem fæddist í maí á síðasta ári og svo á Skúli þrjú börn frá fyrra hjónabandi. 

Skúli og Gríma kveðja Como í hagléli

„Við kveðjum Como í hagléli,“ segir Skúli Mogensen, fyrrverandi forstjóri WOW air, sem notið hefur lífsins á Ítalíu undanfarna daga.

Skúli kominn á fast með flugfreyju hjá WOW

Fregnir herma að Skúli Mogensen, forstjóri WOW air, sé kominn í samband. Sú heppna mun vera flugfreyjan Gríma Björg Thorarensen en andlit hennar hefur prýtt ófáar WOW-auglýsingarnar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.