Í kossaflensi á Beyoncé

Beyoncé er á trylltu tónleikaferðalagi um heiminn fyrir kúrekaplötuna Cowboy Carter sem hlaut Grammy verðlaun fyrr á árinu fyrir bestu plötuna. 

Markle hefur ekki haldið aðdáun sinni á Beyoncé leyndri í gegnum tíðina og ræddi hana meðal annars í Netflix þáttunum Harry & Meghan. 

Þar segist hertogaynjan hafa fengið SMS skilaboð frá Beyoncé þar sem Beyoncé segir Meghan að hún hafi verið valin til að brjóta bölvun margra kynslóða sem þurfti að laga. 

Meghan hefur varla þurft að sannfæra Harry að mæta með sér en hann tók þemað alla leið og mætti með kúrekahatt frá lúxus hatta-og tískuversluninni Kemo Sabe. Breska tískutímaritið Vogue skrifaði að parið væri meira fyrir kúrekahatta en kórónur en þau eru þekkt fyrir að fara eigin leiðir. Meghan birti myndasyrpu á Instagram síðu sinni þar sem hún skrifar: „Varðandi gærkvöldið... Takk Beyoncé og þitt teymi fyrir stórkostlega tónleika og mjög skemmtilegt deit kvöld. Mikil ást.“

Í syrpunni má meðal annars sjá Harry og Meghan í kossaflensi, góða stemningu í góðra vina hópi og kúrekakattinn góða sem Harry rokkaði og var merktur með nöfnum barna þeirra. 

Meghan var að sama skapi undir innblæstri kúrekatískunnar en hún mætti í gallakjól frá hátískuhúsinu Carolina Herrera í sandölum frá ítalska skóhúsinu Aquazzura.