Upp­sögnin komi SFV í opna skjöldu

Forsvarsmenn Eflingar segja uppsögnina snúast um mönnun en ekki launakröfur.

Í yfirlýsingu frá SFV segir að vinna um mönnun á hjúkrunarheimilum standi enn yfir. Samkvæmt kjarasamningnum sem gerður var þann 2. október hafi heilbrigðis- og fjármálaráðherra frest til 1. apríl til að bregðast við tillögum starfshóps um mönnum sem skilað var í febrúar.

„Það kemur SFV í opna skjöldu að samningnum sé nú sagt upp fyrirvaralaust,“ segir í yfirlýsingunni.

Samtökin lýsa yfir eindregnum vilja að halda áfram með og ljúka þeirri vinnu í samvinnu við hagsmunaaðila, eins og forsendur samningsins kveði á um.