Fótbolti

Mörk frá Gavi og Yamal komu Barcelona í úr­slita­leikinn

Óskar Ófeigur Jónsson skrifar
Barcelona maðurinn Lamine Yamal fagnar marki sínu á móti Athletic Bilbao í spænska Ofurbikarnum í kvöld.
Barcelona maðurinn Lamine Yamal fagnar marki sínu á móti Athletic Bilbao í spænska Ofurbikarnum í kvöld. Getty/Yasser Bakhsh

Barcelona spilar til úrslita í spænska Ofurbikarnum eftir 2-0 sigur á Athletic Bilbao í undanúrslitunum i kvöld.

Barcelona mætir annað hvort Real Madrid eða Real Mallorca í úrslitaleiknum en seinni undanúrslitaleikurinn fer fram annað kvöld.

Allir leikirnir eru spilaðir King Abdullah vellinum í Jeddah í Sádí-Arabíu.

Ungu strákarnir Gavi og Lamine Yamal skoruðu mörkin fyrir Börsunga í kvöld.

Gavi kom Barcelona í 1-0 á 17. mínútu eftir stoðsendingu frá Álex Balde. Gavi lagði síðan upp mark fyrir Lamine Yamal á 53. mínútu leiksins.

Inaki Williams kom boltanum í markið á 86. mínútu og það leit út fyrir smá spennu í lokin en markið var dæmt af vegna rangstöðu.

Spænski boltinn

Mest lesið


Fleiri fréttir

Sjá meira


×

Mest lesið