Rúta rann yfir rangan vegar­helming út í móa

Þetta staðfestir Garðar Már Garðarsson aðalvarðstjóri hjá lögreglunni á Suðurlandi.

Hann segir að fyrirtækið hafi kallað aðra rútu til og farþegarnir hafi verið fluttir yfir í nýju rútuna. Engin frekari hætta sé á ferðum.

Ekki er vitað hvort rútan hafi verið fjarlægð.

Teitur Torkelsson, leiðsögumaður sem átti leið hjá, segir að akstursskilyrði á svæðinu séu varasöm vegna sterkra vindhviða, slabbs og hálku.

Hann segir að rútan hafi verið á austurleið þegar hún rennur yfir á rangan vegarhelming og hafnar utan vegar.

Sem betur fer hafi enginn verið að aka í gagnstæða átt.