Handbolti

Snorri búinn að velja mennina sem mega spila á HM

Sindri Sverrisson skrifar
Mennirnir á myndinni eru allir í 35 manna hópi Snorra Steins Guðjónssonar, enda voru þeir í hópnum í sigrinum gegn Bosníu í Laugardalshöll á dögunum.
Mennirnir á myndinni eru allir í 35 manna hópi Snorra Steins Guðjónssonar, enda voru þeir í hópnum í sigrinum gegn Bosníu í Laugardalshöll á dögunum. vísir/Anton

Sex nýliðar eru á 35 manna lista sem landsliðsþjálfarinn Snorri Steinn Guðjónsson hefur valið yfir menn sem leyfilegir verða á HM í handbolta í Króatíu í janúar. 

Snorri mun svo velja af þessum lista í 18 manna hóp sem fer á HM en landsliðið kemur saman til æfinga á Íslandi 2. janúar. Það heldur svo til Svíþjóðar og spilar tvo vináttulandsleiki við Svía, 9. og 11. janúar, áður en strákarnir okkar fara til Króatíu og hefja HM. Þar er Ísland í riðli með Grænhöfðaeyjum, Kúbu og Slóveníu og byrjar á leik við Grænhöfðaeyjar 16. janúar.

Á meðal þeirra sex leikmanna í hópnum sem ekki hafa spilað A-landsleik er markvörðurinn Ísak Steinsson, sem búið hefur í Noregi nánast alla ævi og leikur með Drammen, en hann hefur verið markvörður íslenska U20-landsliðsins.

Dagur Gautason, Reynir Stefánsson, Birgir Már Birgisson, Jóhannes Berg Andrason og Tjörvi Týr Gíslason eru einnig í hópnum en bíða þess að spila sinn fyrsta A-landsleik.

Allir leikmenn sem voru með á Evrópumótinu í janúar eru í 35 manna hópnum en hópinn má sjá hér að neðan.

Markverðir:

  • Ágúst Elí Björgvinsson, Ribe Esbjerg (52/3)
  • Björgvin Páll Gústavsson, Valur (273/24)
  • Daníel Freyr Andrésson, FH (2/0)
  • Ísak Steinsson, Drammen (0/0)
  • Viktor Gísli Hallgrímsson, Wisla Plock (60/1)

Vinstra horn:

  • Bjarki Már Elísson, Veszprém (118/401)
  • Dagur Gautason, ÖIF Arendal (0/0)
  • Orri Freyr Þorkelsson, Sporting (16/41)
  • Stiven Tobar Valencia, Benfica (17/18)

Vinstri skytta:

  • Andri Már Rúnarsson, Leipzig (2/0)
  • Aron Pálmarsson, Veszprém (177/674)
  • Daníel Þór Ingason, Bailingen Weilstetten (39/11)
  • Elvar Ásgeirsson, Ribe-Esbjerg (21/24)
  • Elvar Örn Jónsson, MT Melsungen (79/183)
  • Þorsteinn Leó Gunnarsson, Porto (5/10)

Leikstjórnendur:

  • Benedikt Gunnar Óskarsson, Kolstad (3/0)
  • Gísli Þorgeir Kristjánsson, SC Magdeburg (62/139)
  • Haukur Þrastarson, Dinamo Búkarest (35/50)
  • Janus Daði Smárason, Pick Szeged (86/146)
  • Reynir Stefánsson, Fram (0/0)

Hægri skytta:

  • Arnór Snær Óskarsson, Rhein-Neckar Löwen (2/0)
  • Kristján Örn Kristjánsson, Skandeborg (33/61)
  • Ómar Ingi Magnússon, SC Magdeburg (88/317)
  • Teitur Örn Einarsson, Vfl Gummersbach (36/36)
  • Viggó Kristjánsson, Leipzig (59/165)

Hægra horn:

  • Birgir Már Birgisson, FH (0/0)
  • Jóhannes Berg Andrason, FH (0/0)
  • Óðinn Þór Ríkharðsson, Kadetten Schaffhausen (42/130)
  • Sigvaldi Björn Guðjónsson, Kolstad (76/214)

Línumenn og vörn:

  • Arnar Freyr Arnarsson, MT Melsungen (100/101)
  • Einar Þorsteinn Ólafsson, Fredericia (14/5)
  • Elliði Snær Viðarsson, Vfl Gummersbach (50/109)
  • Sveinn Jóhannsson, Kolstad (14/24)
  • Tjörvi Týr Gíslason, Bergischer (0/0)
  • Ýmir Örn Gíslason, Göppingen (92/36)
HM karla í handbolta 2025 Landslið karla í handbolta

Mest lesið


Fleiri fréttir

Sjá meira


×

Mest lesið