Veður

Búist við austlægri átt

Jón Þór Stefánsson skrifar
Haustveður í Reykjavík. Myndin er úr safni.
Haustveður í Reykjavík. Myndin er úr safni. Vísir/Vilhelm

Búist er við austlægri átt, sem verður þrír til átta metrar á sekúndu, og dálítilli rigningu eða slyddu á sunnanverðu landinu í dag, en þó mun létta síðdegis. Talið er að það verði nokkuð bjart á norðanverðu landinu. Hiti tvö til sex stig sunnanlands en um eða undir frostmarki fyrir norðan.

Þetta kemur fram í textaspá Veðurstofunnar.

Þar segir að aðfaranótt sunnudags muni fara að rigna aftur, en einnig sé búist við slyddu eða snjókomu norðanlands. Þá verður hlýnandi veður síðdegis á morgun, og einnig mun létta til norðaustanlands seinnipartinn.

Þá er útlit fyrir svipað veður á mánudag og þriðjudag. „Rigning og súld á sunnan- og vestanverðu landinu, en úrkomulítið að mestu leyti á norðaustanverðu landinu. Áfram mild í veðri.“

Veður

Mest lesið


Fleiri fréttir

Sjá meira


×

Mest lesið