Fótbolti

Sjáðu mörkin sem tryggðu Blikum Ís­lands­meistara­titilinn

Hjörtur Leó Guðjónsson skrifar
Aron Bjarnason fagnar marki sínu í kvöld. Vel og innilega.
Aron Bjarnason fagnar marki sínu í kvöld. Vel og innilega. Vísir/Anton Brink

Breiðablik varð í kvöld Íslandsmeistari karla í knattspyrnu með 3-0 sigri gegn Víkingi í lokaumferð deildarinnar.

Breiðablik heimsótti Víkinga í hreinum úrslitaleik um titilinn. Fyrir leikinn voru liðin jöfn að stigum, en Víkingar höfðu betri markatölu og þeim nægði því jafntefli til að tryggja sér titilinn. Blikar þurftu hins vegar á sigri að halda.

Gestirnir frá Kópavogi voru heilt yfir sterkari í leiknum og Ísak Snær Þorvaldsson kom Breiðabliki yfir á 37. mínútu með góðri afgreiðslu eftir smá barning inni á teignum.

Klippa: Ísak Snær kemur Blikum yfir

Ísak bætti svo öðru marki Blika við snemma í síðari hálfleik þegar hann stýrði skoti Höskuldar Gunnlaugssonar yfir línuna, en það var hins vegar miðvörðurinn Damir Muminovic sem átti stærstan þátt í markinu þegar hann sýndi lipra takta úti á kanti.

Klippa: 2-0 fyrir Breiðablik

Aron Bjarnason gerði svo út um leikinn þegar um tíu mínútur voru til leiksloka. Kristinn Steindórsson lyfti boltanum þá snyrtilega inn fyrir vörn Víkinga áður en Aron gerði slíkt hið sama og lyfti boltanum snyrtilega yfir Ingvar Jónsson í marki Víkinga.

Klippa: Aron Bjarnason skorar þriðja mark Blika

Lokatölur því 3-0, Blikum í vil, og Íslandsmeistaratitillinn er kominn aftur í Kópavoginn.

Besta deild karla Breiðablik Víkingur Reykjavík

Tengdar fréttir

Í beinni: Víkingur R. - Breiðablik | Allt undir í leik ársins

Einn stærsti leikur síðari ára í Bestu deild karla í fótbolta fer fram í Víkinni í kvöld. Titillinn er undir er Víkingur og Breiðablik mætast í hreinum úrslitaleik. Leikurinn hefst klukkan 18:30 og verður sýndur beint á Stöð 2 Sport.

Mest lesið


Fleiri fréttir

Sjá meira


×

Mest lesið