Albert ekki fyrstur til að vinna Empoli

Alberti tókst þó ekki frekar en öðrum að skora í leiknum því honum lauk með markalausu jafntefli. 

Empoli hefur því enn ekki tapað leik á tímabilinu og er með tíu stig í 6. sæti en Fiorentina gerði sitt fjórða jafntefli, í sex leikjum, og er með sjö stig í 11. sæti.

Fiorentina var nær því að skora í leiknum en ekkert af þeim þrettán skotum sem liðið átti í leiknum fór þó á markið. Empoli átti eitt skot á mark í þessum bragðdaufa leik.

Næsti leikur Fiorentina er gegn velska liðinu The New Saints í Sambandsdeild Evrópu á fimmtudaginn. Liðið tekur svo á móti AC Milan í næsta deildarleik eftir viku, áður en landsleikjahlé tekur við.