Stúlkan sem fannst látin á sunnudagskvöld hét Kolfinna Eldey Sigurðardóttir.
Þetta kemur fram í tilkynningu frá lögreglunni á höfuðborgarsvæðinu. Hún var tíu ára og búsett í Reykjavík.
Stúlkan fannst látin í hrauni gegnt Vatnsskarðsnámu við Krýsuvíkurveg á sunnudag. Faðir stúlkunnar var handtekinn á vettvangi eftir að tilkynnt lögreglu um málið. Hann hefur verið úrskurðaður í gæsluvarðhald fram á þriðjudag.
Lögreglan á höfuðborgarsvæðinu rannsakar það nú hvort að tíu ára stúlka hafi verið myrt í hrauni gegnt Vatnsskarðsnámu við Krýsuvíkurveg á sunnudag eða hvort hún hafi verið myrt annars staðar. Lögreglan leggur mikla áhersla á aðdraganda morðsins í rannsókn sinni. Frá þessu var greint í hádegisfréttum RÚV.
Íslenskur karlmaður á fimmtugsaldri sem er grunaður um að hafa orðið tíu ára dóttur sinni að bana hefur verið samvinnufús að mati Gríms Grímssonar, yfirlögregluþjóns hjá miðlægri rannsóknardeildar lögreglu.
Karlmaður í haldi lögreglu vegna gruns um að hafa orðið ungri dóttur sinni að bana hefur bæði hlotið þungan dóm fyrir fíkniefnainnflutning og kannabisræktun. Karlmaðurinn er á fimmtugsaldri.
