Heilbrigðiskerfi Íslands - Tími fyrir lausnir! Victor Gudmundsson skrifar 15. maí 2024 10:45 Á undanförnum árum hef ég í starfi mínu sem læknir á Íslandi upplifað að víða er hægt að gera gott heilbrigðiskerfi enn betra. Læknisstarfið er einstakt og innan heilbrigðiskerfisins starfar frábært fólk, en þrátt fyrir það eru fjölmörg þekkt vandamál sem gera það að verkum að þjónusta við sjúklinga verður óskilvirk og álag oft of mikið þannig að langir biðlistar myndast. Mikilvægast er að sjálfsögðu að við hugum að forvörnum, en í því felst að sinna grunnþáttum heilsu okkar sem eru: hreyfing, næring, svefn og andleg heilsa. Heilbrigðiskerfið hér á landi þarf þó að vera skilvirkara og einfaldara og nauðsynlegt er að innleiða nýsköpun og tækni sem hefur það að markmiði að draga úr álagi og skriffinnsku heilbrigðisstarfsmanna, en um leið þjónusta betur skjólstæðinga heilbrigðiskerfisins. Einn lykill að þeirri lausn gæti falist í einu orði - fjarheilbrigðisþjónusta. Heilbrigðisþjónusta þróast og tekur breytingum Á tímum þar sem tæknin hefur umbylt nánast öllum þáttum lífs okkar, þá kemur ekki á óvart að heilbrigðisþjónusta breytist og þróist. Fjarheilbrigðisþjónusta hefur víða komið fram sem ein mikilvægasta lausn til að auka aðgengi sjúklinga að heilbrigðisþjónustu. Í gær, þann 14. maí, var frumvarp heilbrigðisráðherra um skilgreiningu á heilbrigðisþjónustu nr. 40/2007 (fjarheilbrigðisþjónusta) samþykkt í lögum á Alþingi. Þetta mál er gríðarlega mikilvægt fyrir Íslendinga þar sem fjarheilbrigðisþjónusta er án efa ein þeirra tæknilausna sem geta umbylt heilbrigðisþjónustu fyrir fólk um land allt. Skilgreiningin á fjarheilbrigðisþjónustu er þegar stafræn samskipta- og upplýsingatækni er nýtt til að veita heilbrigðisþjónustu sem styður við heilbrigði þar sem aðilar eru ekki á sama stað á sama tíma, t.d. myndsamtöl, fjarvöktun og stafrænar heilbrigðislausnir. Tækniframfarir með fjarlækningum hafa nú þegar gert læknum í mörgum nágrannalöndum okkar kleift að aðstoða fólk sem glímir við algeng vandamál með einföldum, fljótlegum og þægilegum hætti. Þessi þróun býður upp á umbyltingu og aukna skilvirkni í heilbrigðiskerfinu og vil ég fara yfir nokkra kosti þess að nýta fjarlækningar í heilbrigðiskerfinu. 1. Aðgengi að læknisþjónustu Fjarlækningar brúa bilið milli heilbrigðisstarfsfólks og skjólstæðinga. Þá ber sérstaklega að nefna fólk sem býr á afskekktum svæðum víða um land þar sem langt er í næstu læknisþjónustu og einstaklingar sem eiga erfitt með að nýta sér læknaheimsóknir vegna aðstæðna sinna. Fjarlækningar gera fólki kleift að ráðfæra sig við heilbrigðisstarfsfólk án þess að þurfa að ferðast um langan veg og tryggir þannig aðgengi að heilbrigðisþjónustu óháð búsetu. 2. Þægindi og sveigjanleiki Einn augljósasti kostur fjarlækninga eru þægindi þjónustunnar þar sem sjúklingar geta fengið læknisráðgjöf hvar sem er. Þetta kemur til dæmis í veg fyrir að fólk þurfi að endurskipuleggja vinnuplön eða bíða klukkustundum saman í yfirfullum biðstofum eftir aðstoð við einföldum vandamálum. Auk þess bjóða fjarlækningar oft upp á sveigjanleika með því að veita aðgang að þjónustu utan hefðbundins opnunartíma heilbrigðisstofnana. 3. Kostnaðarhagkvæmni Með því að lágmarka ferðakostnað og kostnað við að halda úti fullbúinni læknastofu bjóða fjarlækningar hagkvæman valkost sem getur dregið verulega úr kostnaði bæði fyrir sjúklinga og heilbrigðiskerfið. Þessi leið getur að auki höggvið á hnút langra raða á biðstofum og dregið úr óþarfa heimsóknum á heilsugæslur og bráðamóttöku þegar ekki er þörf á skoðun læknis. Þetta getur haft í för með sér verulegan sparnað fyrir heilbrigðiskerfið í heild. 4. Bætt útkoma sjúklinga Fjarlækningar geta leitt til bættrar afkomu sjúklinga með því að auðvelda snemmtæka íhlutun og samfellu í umönnun. Með fjarvöktun og góðu samráði getur heilbrigðisstarfsfólk fylgst náið með sjúklingum með langvinna sjúkdóma, uppgötvað hugsanleg heilsufarsvandamál á forstigi og gripið tafarlaust inn í til að koma í veg fyrir fylgikvilla. Þessi fyrirbyggjandi nálgun bætir ekki aðeins heilsu sjúklinga, heldur dregur úr hættu á endurinnlögnum og íþyngjandi heimsóknum á bráðamóttöku. Þetta hefur reynst vel á Norðurlöndum, en bæði fjarlækningar og fjarvöktun hafa verið stundaðar þar til fjölda ára með góðum árangri. 5. Aukið samstarf Fjarlækningar gera heilbrigðisstarfsfólki kleift að vinna á skilvirkari hátt, óháð landfræðilegri staðsetningu. Sérfræðingar geta stýrt samráði við heilsugæslulækna, deilt sérfræðiþekkingu og unnið saman að meðferðaráætlunum, sem leiðir til yfirgripsmeiri og samhæfðari umönnun sjúklinga. Þessi þverfaglega nálgun stuðlar að teymisbundinni nálgun í heilbrigðisþjónustu sem tryggir sjúklingum bestu mögulegu umönnun hvar sem þeir eru staddir landfræðilega séð og getur þar með aukið aðgengi sjúklinga að sérfræðiþjónustu við landsbyggðina sem í dag er oft erfitt að sinna. 6. Þátttaka og valdefling skjólstæðinga Fjarlækningar hjálpa skjólstæðingum við að taka virkan þátt í að stjórna heilsu sinni, en eins og áður kom fram þá eru það grunnþættir heilsu sem skipta mestu máli: hreyfing, næring, svefn og andleg heilsa. Í gegnum fjarheilsukerfi og snjallsímaforrit getur fólk fengið aðgang að fræðsluefni, fylgst með heilsumælingum sínum og átt samskipti við heilbrigðisstarfsfólk í rauntíma. Þessi aukna þátttaka stuðlar ekki aðeins að sterkara sambandi sjúklings og læknis, heldur hvetur einnig til forvirkra meðferða og eftirfylgni. 7. Sjálfbærni og umhverfisáhrif Með því að draga úr ferðalögum og lágmarka óþarfa komur á heilsugæslu og aðrar móttökur, þá stuðla fjarlækningar að jákvæðum umhverfisáhrifum. Færri bílferðir til læknis hafa í för með sér minni kolefnislosun, sem gerir fjarlækningar að vistvænum valkosti. Það er mín staðfasta trú að fjarlækningar og fjarheilbrigðisþjónusta yfir höfuð séu rökrétt þróun og lausn sem mun gjörbylta heilbrigðisþjónustu, gera hana skilvirkari og betri. Ávinningurinn er víðtækur, allt frá því að bæta aðgengi að læknisþjónustu og annarri heilbrigðisþjónustu og bæta árangur sjúklinga í að efla samvinnu við heilbrigðisstarfsfólk svo hægt verði að grípa fyrr inn í og koma með fyrirbyggjandi aðgerðir. Eftir því sem bæði tækni og heilbrigðisþjónusta þróast, munu fjarlækningar og fjarheilbrigðisþjónusta án efa gegna lykilhlutverki í að móta framtíð læknisfræðinnar, gera heilbrigðisþjónustu aðgengilegri, skilvirkari og einstaklingsmiðaðri en áður hefur þekkst hér á landi. Nú er kominn tími fyrir lausnir! Höfundur er læknir. Viltu birta grein á Vísi? Sendu okkur póst. Senda grein Heilbrigðismál Landspítalinn Mest lesið Opið bréf til fullorðna fólksins Úlfhildur Elísa Hróbjartsdóttir Skoðun Vill Sjálfstæðisflokkurinn láta taka sig alvarlega? Dagbjört Hákonardóttir Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson Skoðun Hví borgar útgerðin – ekki malarnáman? Guðmundur Edgarsson Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson Skoðun Hverjir eiga Ísland? Jón Baldvin Hannibalsson Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson Skoðun Ertu nú alveg viss um að hafa læst hurðinni? Sanna Magdalena Mörtudóttir Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald Skoðun Skoðun Skoðun Opið bréf til fullorðna fólksins Úlfhildur Elísa Hróbjartsdóttir skrifar Skoðun Vill Sjálfstæðisflokkurinn láta taka sig alvarlega? Dagbjört Hákonardóttir skrifar Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar Skoðun Undirbúum börnin fyrir skólann með hjálp gervigreindar Sigvaldi Einarsson skrifar Skoðun Enginn skilinn eftir á götunni Dagmar Valsdóttir skrifar Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar Skoðun Hví borgar útgerðin – ekki malarnáman? Guðmundur Edgarsson skrifar Skoðun Vantraust Flokks fólksins á Viðreisn Hjörtur J. Guðmundsson skrifar Skoðun 48 daga blekking: Loforð sem leiðir til lögbrota? Svanur Guðmundsson skrifar Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar Skoðun Málþóf á kostnað ungs fólks Lísa Margrét Gunnarsdóttir skrifar Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar Skoðun Ómeðvituð vörn í orðræðu – þegar vald ver sjálft sig Þórdís Hólm Filipsdóttir skrifar Skoðun Við krefjumst sanngirni og aðgerð strax Dagmar Valsdóttir skrifar Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar Skoðun Úrsúla og öryggismálin - Stöndum gegn vígvæðingu Guttormur Þorsteinsson skrifar Skoðun Verðmætatap auðlindagjaldanna – Hverra og hvernig? Haukur V. Alfreðsson skrifar Skoðun Ertu nú alveg viss um að hafa læst hurðinni? Sanna Magdalena Mörtudóttir skrifar Skoðun Sanngirni að brenna 230 milljarða króna? Björn Leví Gunnarsson skrifar Skoðun Strandveiðar eru ekki sóun Örn Pálsson skrifar Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar Skoðun SFS skuldar Sigurjón Þórðarson skrifar Skoðun Hvar er hjálpin sem okkur var lofað? Dagmar Valsdóttir skrifar Skoðun Áform um fleiri strandveiðidaga: Áhættusöm ákvörðun Svanur Guðmundsson skrifar Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar Skoðun Flugnám - Fjórði hluti: Hlutverk Reykjavíkurflugvallar í flugnámi Matthías Arngrímsson skrifar Skoðun Slítum stjórnmálasambandi við Ísrael! Ólafur Ingólfsson skrifar Skoðun Aukið við sóun með einhverjum ráðum Heiðrún Lind Marteinsdóttir skrifar Skoðun Kæru valkyrjur, hatrið sigraði líklega í þetta skiptið Arnar Laxdal skrifar Sjá meira
Á undanförnum árum hef ég í starfi mínu sem læknir á Íslandi upplifað að víða er hægt að gera gott heilbrigðiskerfi enn betra. Læknisstarfið er einstakt og innan heilbrigðiskerfisins starfar frábært fólk, en þrátt fyrir það eru fjölmörg þekkt vandamál sem gera það að verkum að þjónusta við sjúklinga verður óskilvirk og álag oft of mikið þannig að langir biðlistar myndast. Mikilvægast er að sjálfsögðu að við hugum að forvörnum, en í því felst að sinna grunnþáttum heilsu okkar sem eru: hreyfing, næring, svefn og andleg heilsa. Heilbrigðiskerfið hér á landi þarf þó að vera skilvirkara og einfaldara og nauðsynlegt er að innleiða nýsköpun og tækni sem hefur það að markmiði að draga úr álagi og skriffinnsku heilbrigðisstarfsmanna, en um leið þjónusta betur skjólstæðinga heilbrigðiskerfisins. Einn lykill að þeirri lausn gæti falist í einu orði - fjarheilbrigðisþjónusta. Heilbrigðisþjónusta þróast og tekur breytingum Á tímum þar sem tæknin hefur umbylt nánast öllum þáttum lífs okkar, þá kemur ekki á óvart að heilbrigðisþjónusta breytist og þróist. Fjarheilbrigðisþjónusta hefur víða komið fram sem ein mikilvægasta lausn til að auka aðgengi sjúklinga að heilbrigðisþjónustu. Í gær, þann 14. maí, var frumvarp heilbrigðisráðherra um skilgreiningu á heilbrigðisþjónustu nr. 40/2007 (fjarheilbrigðisþjónusta) samþykkt í lögum á Alþingi. Þetta mál er gríðarlega mikilvægt fyrir Íslendinga þar sem fjarheilbrigðisþjónusta er án efa ein þeirra tæknilausna sem geta umbylt heilbrigðisþjónustu fyrir fólk um land allt. Skilgreiningin á fjarheilbrigðisþjónustu er þegar stafræn samskipta- og upplýsingatækni er nýtt til að veita heilbrigðisþjónustu sem styður við heilbrigði þar sem aðilar eru ekki á sama stað á sama tíma, t.d. myndsamtöl, fjarvöktun og stafrænar heilbrigðislausnir. Tækniframfarir með fjarlækningum hafa nú þegar gert læknum í mörgum nágrannalöndum okkar kleift að aðstoða fólk sem glímir við algeng vandamál með einföldum, fljótlegum og þægilegum hætti. Þessi þróun býður upp á umbyltingu og aukna skilvirkni í heilbrigðiskerfinu og vil ég fara yfir nokkra kosti þess að nýta fjarlækningar í heilbrigðiskerfinu. 1. Aðgengi að læknisþjónustu Fjarlækningar brúa bilið milli heilbrigðisstarfsfólks og skjólstæðinga. Þá ber sérstaklega að nefna fólk sem býr á afskekktum svæðum víða um land þar sem langt er í næstu læknisþjónustu og einstaklingar sem eiga erfitt með að nýta sér læknaheimsóknir vegna aðstæðna sinna. Fjarlækningar gera fólki kleift að ráðfæra sig við heilbrigðisstarfsfólk án þess að þurfa að ferðast um langan veg og tryggir þannig aðgengi að heilbrigðisþjónustu óháð búsetu. 2. Þægindi og sveigjanleiki Einn augljósasti kostur fjarlækninga eru þægindi þjónustunnar þar sem sjúklingar geta fengið læknisráðgjöf hvar sem er. Þetta kemur til dæmis í veg fyrir að fólk þurfi að endurskipuleggja vinnuplön eða bíða klukkustundum saman í yfirfullum biðstofum eftir aðstoð við einföldum vandamálum. Auk þess bjóða fjarlækningar oft upp á sveigjanleika með því að veita aðgang að þjónustu utan hefðbundins opnunartíma heilbrigðisstofnana. 3. Kostnaðarhagkvæmni Með því að lágmarka ferðakostnað og kostnað við að halda úti fullbúinni læknastofu bjóða fjarlækningar hagkvæman valkost sem getur dregið verulega úr kostnaði bæði fyrir sjúklinga og heilbrigðiskerfið. Þessi leið getur að auki höggvið á hnút langra raða á biðstofum og dregið úr óþarfa heimsóknum á heilsugæslur og bráðamóttöku þegar ekki er þörf á skoðun læknis. Þetta getur haft í för með sér verulegan sparnað fyrir heilbrigðiskerfið í heild. 4. Bætt útkoma sjúklinga Fjarlækningar geta leitt til bættrar afkomu sjúklinga með því að auðvelda snemmtæka íhlutun og samfellu í umönnun. Með fjarvöktun og góðu samráði getur heilbrigðisstarfsfólk fylgst náið með sjúklingum með langvinna sjúkdóma, uppgötvað hugsanleg heilsufarsvandamál á forstigi og gripið tafarlaust inn í til að koma í veg fyrir fylgikvilla. Þessi fyrirbyggjandi nálgun bætir ekki aðeins heilsu sjúklinga, heldur dregur úr hættu á endurinnlögnum og íþyngjandi heimsóknum á bráðamóttöku. Þetta hefur reynst vel á Norðurlöndum, en bæði fjarlækningar og fjarvöktun hafa verið stundaðar þar til fjölda ára með góðum árangri. 5. Aukið samstarf Fjarlækningar gera heilbrigðisstarfsfólki kleift að vinna á skilvirkari hátt, óháð landfræðilegri staðsetningu. Sérfræðingar geta stýrt samráði við heilsugæslulækna, deilt sérfræðiþekkingu og unnið saman að meðferðaráætlunum, sem leiðir til yfirgripsmeiri og samhæfðari umönnun sjúklinga. Þessi þverfaglega nálgun stuðlar að teymisbundinni nálgun í heilbrigðisþjónustu sem tryggir sjúklingum bestu mögulegu umönnun hvar sem þeir eru staddir landfræðilega séð og getur þar með aukið aðgengi sjúklinga að sérfræðiþjónustu við landsbyggðina sem í dag er oft erfitt að sinna. 6. Þátttaka og valdefling skjólstæðinga Fjarlækningar hjálpa skjólstæðingum við að taka virkan þátt í að stjórna heilsu sinni, en eins og áður kom fram þá eru það grunnþættir heilsu sem skipta mestu máli: hreyfing, næring, svefn og andleg heilsa. Í gegnum fjarheilsukerfi og snjallsímaforrit getur fólk fengið aðgang að fræðsluefni, fylgst með heilsumælingum sínum og átt samskipti við heilbrigðisstarfsfólk í rauntíma. Þessi aukna þátttaka stuðlar ekki aðeins að sterkara sambandi sjúklings og læknis, heldur hvetur einnig til forvirkra meðferða og eftirfylgni. 7. Sjálfbærni og umhverfisáhrif Með því að draga úr ferðalögum og lágmarka óþarfa komur á heilsugæslu og aðrar móttökur, þá stuðla fjarlækningar að jákvæðum umhverfisáhrifum. Færri bílferðir til læknis hafa í för með sér minni kolefnislosun, sem gerir fjarlækningar að vistvænum valkosti. Það er mín staðfasta trú að fjarlækningar og fjarheilbrigðisþjónusta yfir höfuð séu rökrétt þróun og lausn sem mun gjörbylta heilbrigðisþjónustu, gera hana skilvirkari og betri. Ávinningurinn er víðtækur, allt frá því að bæta aðgengi að læknisþjónustu og annarri heilbrigðisþjónustu og bæta árangur sjúklinga í að efla samvinnu við heilbrigðisstarfsfólk svo hægt verði að grípa fyrr inn í og koma með fyrirbyggjandi aðgerðir. Eftir því sem bæði tækni og heilbrigðisþjónusta þróast, munu fjarlækningar og fjarheilbrigðisþjónusta án efa gegna lykilhlutverki í að móta framtíð læknisfræðinnar, gera heilbrigðisþjónustu aðgengilegri, skilvirkari og einstaklingsmiðaðri en áður hefur þekkst hér á landi. Nú er kominn tími fyrir lausnir! Höfundur er læknir.
Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson Skoðun
Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir Skoðun
Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson Skoðun
Frá vinnuþræli til ríkisborgara: Ég er innflytjandi sem þið getið ekki losnað við Ian McDonald Skoðun
Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar
Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar
Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar
Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar
Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar
Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar
Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar
Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar
Skoðun Flugnám - Fjórði hluti: Hlutverk Reykjavíkurflugvallar í flugnámi Matthías Arngrímsson skrifar
Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson Skoðun
Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir Skoðun
Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson Skoðun
Frá vinnuþræli til ríkisborgara: Ég er innflytjandi sem þið getið ekki losnað við Ian McDonald Skoðun