„Hann er bara í sjokki“

Embiid er einn besti leikmaður deildarinnar og var valinn sá besti á síðasta tímabili. Hann lék síðan með liðinu gegn New York Knicks í fyrsta leik í fyrstu umferð úrslitakeppninnar um helgina. Í þeim leik meiddist hann aftur og töldu margir að hans þátttaka í úrslitakeppninni í ár yrði ekki lengri.

„Eðlilega hélt maður bara að þetta væri búið. Maður sér það í augunum á honum. Hann er bara í sjokki,“ segir Hörður Unnsteinsson körfuboltasérfræðingur í þættinum sem fer í loftið á Stöð 2 Sport 2 í kvöld.

„Sama hvað gerist, þá verður hann bara á annarri löppinni út þessa úrslitakeppni. Sixers ætla bara að þjösnast á honum núna og ég skil ekki alveg af hverju og ég held bara í leik þrjú eða fjögur þá meiðist hann bara almennilega,“ segir Tómas Steindórsson körfuboltasérfræðingur en hér að neðan má sjá brot úr þættinum sem verður á dagskrá í kvöld klukkan 21:15.