Fótbolti

Sjáðu Emelíu opna markareikning sinn með frá­bæru marki

Óskar Ófeigur Jónsson skrifar
Emelía Óskarsdóttir fagnar marki sínu í gær.
Emelía Óskarsdóttir fagnar marki sínu í gær. @hbkogewomen

Emelía Óskarsdóttir átti eftirminnilega innkomu í leik Köge og Kolding í dönsku úrvalsdeildinni í fótbolta í gær.

Emelía kom inn á sem varamaður á 81. mínútu þegar Köge var einu marki undir.

Það tók hana aðeins átta mínútur að skora og markið var betri gerðinni.

Emelía fékk boltann fyrir utan vítateig og skoraði með einkar laglegu skoti yfir markvörðinn og upp í bláhornið.

Með markinu tryggði hún Köge jafntefli en liðið er í þriðja sæti í efri hluta úrslitakeppninnar.

Þetta var hennar fyrsta mark fyrir danska félagið. Það má sjá það hér fyrir neðan með því að smella á myndina. Ef Instagram færslan birtist ekki er gott ráð að endurhlaða fréttina.

Danski boltinn

Mest lesið


Fleiri fréttir

Sjá meira


×

Mest lesið