Innlent

Einum til sleppt úr haldi

Árni Sæberg skrifar
Einn sakborninga á leið inn í dómsal þegar þeir voru upphaflega úrskurðaðir í gæsluvarðhald.
Einn sakborninga á leið inn í dómsal þegar þeir voru upphaflega úrskurðaðir í gæsluvarðhald. Vísir/Vilhelm

Einum til viðbótar hefur verið sleppt úr gæsluvarðhaldi í tengslum við umfangsmikið mansalsmál. Rannsóknarhagsmunir eru ekki lengur taldir fyrir hendi.

Grímur Grímsson, yfirlögregluþjónn miðlægrar rannsóknardeildar Lögreglunnar á höfuðborgarsvæðinu, segir í samtali við Vísi að lögregla haldi fólki ekki lengur en nauðsynlegt þyki og því hafi einn verið látinn laus í dag. Ríkisútvarpið greindi fyrst frá. 

Tveir voru látnir lausir í gær af sömu ástæðum. 

Grímur segir að nú séu þrír í gæsluvarðhaldi en þeir sem látnir hafa verið lausir séu enn með réttarstöðu sakbornings í málinu. Hann vill ekkert gefa upp um það hverjum hefur verið sleppt.

Samkvæmt heimildum fréttastofu er athafnamaðurinn Davíð Viðarsson enn í gæsluvarðhaldi.

Mál Davíðs Viðarssonar Mansal Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið