Dagur slær öll met í vinsældum: „Öllum sama um hvaðan hann er“ Sindri Sverrisson skrifar 20. mars 2024 08:31 Dagur Sigurðsson setur upp skemmtilegan svip, í Hannover um helgina, eftir að hafa stýrt Króötum inn á Ólympíuleikana. Getty/David Inderlied Dagur Sigurðsson hefur gjörsamlega slegið í gegn sem nýr landsliðsþjálfari Króata í „þjóðaríþrótt“ þeirra, handbolta. Bjartsýni ríkir um að hann komi liðinu aftur í allra fremstu röð. Þetta segir Sasa Cobanov, blaðamaður Index Sport í Króatíu, sem svaraði nokkrum spurningum Vísis varðandi komu Dags. Dagur hefur átt draumabyrjun í starfi, sem fyrsti erlendi þjálfari króatíska liðsins, og eftir þrjá sigra í Hannover um síðustu helgi (gegn Austurríki, Þýskalandi og Alsír) er liðið komið inn á Ólympíuleikana í París í sumar. Það gerir ekki annað en að auka bjartsýni Króata sem þó hafa langflestir verið afar jákvæðir varðandi Dag. Dagur táknmynd breytinga og vonar „Ég get sagt það strax að enginn þjálfari í sögu króatísks handbolta, og jafnvel íþrótta almennt hérna, hefur fengið sömu athygli og samþykki eins og Dagur Sigurðsson,“ segir Cobanov. Þar vegi þungt að Króatar séu orðnir langeygðir eftir árangri á borð við það þegar liðið var það besta í heimi, en það hefur tvisvar orðið ólympíumeistari, einu sinni heimsmeistari og unnið til fjölda fleiri verðlauna á stórmótum. Sasa Cobanov, blaðamaður Index Sport í Króatíu. Á síðustu tíu árum hafa Króatar hins vegar „aðeins“ unnið til verðlauna tvisvar á stórmótum, brons og silfur á EM, og það rímar engan veginn við væntingar þjóðarinnar. Landsliðsþjálfarar hafa því komið og farið en ekkert breyst til batnaðar. „Þess vegna er það almenn niðurstaða króatísku þjóðarinnar að þörf hafi verið fyrir erlendan þjálfara, því við höfum reynt allt og þörfin fyrir breytingar er augljós. Dagur Sigurðsson er táknmynd þessara breytinga og vonarinnar um að króatískur handbolti verði aftur eins og hann var. Sigurinn á mótinu í Hannover styrkir bara þá trú,“ segir Cobanov. Liðið í „stuðmeðferð“ frá því á EM Dagur tók við Króötum um síðustu mánaðamót og fékk aðeins örfáa daga með liðinu til að undirbúa það fyrir fyrstu leikina. „Hann náði hins vegar að setja liðið í „stuðmeðferð“ (e. shock therapy) og leikmennirnir litu mikið betur út en á EM í janúar (þar sem liðið varð í 11. sæti). Við verðum samt að bíða þar til í París með að sjá nákvæmlega hvað Dagur færir Króatíu. Hann fær þá sex vikur til undirbúnings og eftir það fáum við raunverulega mynd á þetta. Það er hins vegar mikilvægt að jákvæðnin lifi hjá stuðningsmönnum, eftir langa bið,“ segir Cobanov. „Með ótrúlegan stuðning frá króatísku þjóðinni“ En er það ekki erfitt fyrir Dag að koma inn í starfið sem fyrsti erlendi landsliðsþjálfari Króata, í þjóðaríþróttinni, eins og ofangreind ummæli Nenad Kljaic báru með sér? „Nei. Dagur Sigurðsson náði frábærum úrslitum með þýska landsliðinu og sönnum stuðningsmönnum er öllum sama um hvaðan hann kemur, svo lengi sem hann sinnir sínu starfi. Vonandi gerir hann það. Hann er þegar með ótrúlegan stuðning frá króatísku þjóðinni,“ segir Cobanov. Dreymir um medalíu í París en horft til HM á heimavelli Í króatíska liðinu eru reynslumiklar og stórar stjörnur á borð við Domagoj Duvnjak og Luka Cindric, í bland við unga en öfluga leikmenn. Hvað finnst leikmönnum um Dag? „Það er erfitt að segja en eftir mótið í Hannover töluðu þeir allir um að hann hefði gert jákvæðar breytingar og að þeir kynnu að meta hann. Maður verður að treysta því,“ segir Cobanov sem vill ekki gera of mikið úr væntingunum varðandi árangur: „Auðvitað yrði það stórkostlegt að vinna medalíu í París. En það verður erfitt. Hins vegar er HM á næsta ári meðal annars haldið í Króatíu, svo að ef liðið fær ekki medalíu í París þá væri alla vega gott að sjá jákvæða þróun sem myndi auka bjartsýni fyrir 2025.“ Ólympíuleikar 2024 í París Handbolti Mest lesið Hundruð milljóna í bónus en gæti þurft að finna sér nýja vinnu Fótbolti Uppgjörið: Valur - Fram 27-28 | Fram Íslandsmeistari í fyrsta sinn í tólf ár Handbolti Keppandi á Steraleikunum bætti 16 ára gamalt heimsmet Sport „Væri alveg til í að hafa þá sem tengdasyni“ Handbolti „Við ætluðum okkur að vinna titla og vinna þennan titil“ Handbolti „Þjáning í marga daga“ Handbolti Ósáttur með fáar mínútur í úrslitunum og íhugar framtíðina Fótbolti Stefnir úr hermiakstri í Formúlu 3 Sport Utan vallar: Í reykjarmekki alsælunnar Körfubolti Sjáðu magnaðar myndir úr klefa Stjörnumanna Körfubolti Fleiri fréttir „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Sjá meira
Þetta segir Sasa Cobanov, blaðamaður Index Sport í Króatíu, sem svaraði nokkrum spurningum Vísis varðandi komu Dags. Dagur hefur átt draumabyrjun í starfi, sem fyrsti erlendi þjálfari króatíska liðsins, og eftir þrjá sigra í Hannover um síðustu helgi (gegn Austurríki, Þýskalandi og Alsír) er liðið komið inn á Ólympíuleikana í París í sumar. Það gerir ekki annað en að auka bjartsýni Króata sem þó hafa langflestir verið afar jákvæðir varðandi Dag. Dagur táknmynd breytinga og vonar „Ég get sagt það strax að enginn þjálfari í sögu króatísks handbolta, og jafnvel íþrótta almennt hérna, hefur fengið sömu athygli og samþykki eins og Dagur Sigurðsson,“ segir Cobanov. Þar vegi þungt að Króatar séu orðnir langeygðir eftir árangri á borð við það þegar liðið var það besta í heimi, en það hefur tvisvar orðið ólympíumeistari, einu sinni heimsmeistari og unnið til fjölda fleiri verðlauna á stórmótum. Sasa Cobanov, blaðamaður Index Sport í Króatíu. Á síðustu tíu árum hafa Króatar hins vegar „aðeins“ unnið til verðlauna tvisvar á stórmótum, brons og silfur á EM, og það rímar engan veginn við væntingar þjóðarinnar. Landsliðsþjálfarar hafa því komið og farið en ekkert breyst til batnaðar. „Þess vegna er það almenn niðurstaða króatísku þjóðarinnar að þörf hafi verið fyrir erlendan þjálfara, því við höfum reynt allt og þörfin fyrir breytingar er augljós. Dagur Sigurðsson er táknmynd þessara breytinga og vonarinnar um að króatískur handbolti verði aftur eins og hann var. Sigurinn á mótinu í Hannover styrkir bara þá trú,“ segir Cobanov. Liðið í „stuðmeðferð“ frá því á EM Dagur tók við Króötum um síðustu mánaðamót og fékk aðeins örfáa daga með liðinu til að undirbúa það fyrir fyrstu leikina. „Hann náði hins vegar að setja liðið í „stuðmeðferð“ (e. shock therapy) og leikmennirnir litu mikið betur út en á EM í janúar (þar sem liðið varð í 11. sæti). Við verðum samt að bíða þar til í París með að sjá nákvæmlega hvað Dagur færir Króatíu. Hann fær þá sex vikur til undirbúnings og eftir það fáum við raunverulega mynd á þetta. Það er hins vegar mikilvægt að jákvæðnin lifi hjá stuðningsmönnum, eftir langa bið,“ segir Cobanov. „Með ótrúlegan stuðning frá króatísku þjóðinni“ En er það ekki erfitt fyrir Dag að koma inn í starfið sem fyrsti erlendi landsliðsþjálfari Króata, í þjóðaríþróttinni, eins og ofangreind ummæli Nenad Kljaic báru með sér? „Nei. Dagur Sigurðsson náði frábærum úrslitum með þýska landsliðinu og sönnum stuðningsmönnum er öllum sama um hvaðan hann kemur, svo lengi sem hann sinnir sínu starfi. Vonandi gerir hann það. Hann er þegar með ótrúlegan stuðning frá króatísku þjóðinni,“ segir Cobanov. Dreymir um medalíu í París en horft til HM á heimavelli Í króatíska liðinu eru reynslumiklar og stórar stjörnur á borð við Domagoj Duvnjak og Luka Cindric, í bland við unga en öfluga leikmenn. Hvað finnst leikmönnum um Dag? „Það er erfitt að segja en eftir mótið í Hannover töluðu þeir allir um að hann hefði gert jákvæðar breytingar og að þeir kynnu að meta hann. Maður verður að treysta því,“ segir Cobanov sem vill ekki gera of mikið úr væntingunum varðandi árangur: „Auðvitað yrði það stórkostlegt að vinna medalíu í París. En það verður erfitt. Hins vegar er HM á næsta ári meðal annars haldið í Króatíu, svo að ef liðið fær ekki medalíu í París þá væri alla vega gott að sjá jákvæða þróun sem myndi auka bjartsýni fyrir 2025.“
Ólympíuleikar 2024 í París Handbolti Mest lesið Hundruð milljóna í bónus en gæti þurft að finna sér nýja vinnu Fótbolti Uppgjörið: Valur - Fram 27-28 | Fram Íslandsmeistari í fyrsta sinn í tólf ár Handbolti Keppandi á Steraleikunum bætti 16 ára gamalt heimsmet Sport „Væri alveg til í að hafa þá sem tengdasyni“ Handbolti „Við ætluðum okkur að vinna titla og vinna þennan titil“ Handbolti „Þjáning í marga daga“ Handbolti Ósáttur með fáar mínútur í úrslitunum og íhugar framtíðina Fótbolti Stefnir úr hermiakstri í Formúlu 3 Sport Utan vallar: Í reykjarmekki alsælunnar Körfubolti Sjáðu magnaðar myndir úr klefa Stjörnumanna Körfubolti Fleiri fréttir „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Sjá meira