Hádegisfréttir Bylgjunnar

Fólkið, sem allt er með dvalarleyfi hér á landi á grundvelli fjölskyldusameiningar, er nú í Kaíró á leið til Íslands. 

Þá fylgjumst við áfram með gangi kjaraviðræðna en viðsemjendur hittust á ný á fundi í Karphúsinu í morgun. Ekki verður skrifað undir nýja kjarasamninga nema sveitarfélögin leggi skýrt fram til hvaða aðgerða þau eru reiðubúin að grípa til að tryggja frið á vinnumarkaði næstu fjögur árin.

Að auki heyrum við í skólameistara Menntaskólans að Laugarvatni en samið verður um starfslok kennara við skólann sem lét á dögunum óviðurkvæmileg ummæli falla í garð Bashars Murad keppanda í söngvakeppni sjónvarpsins.

Í íþróttum fjöllum við síðan um Gylfa Þór Sigurðsson sem æfir nú með Fylki á Spáni. Hann er án liðs sem stendur en virðist stefna á endurkomu. Þá verður rætt við Alfreð Gíslason handboltaþjálfara sem hefur nú endurnýjað samning sinn við þýska landsliðið.