Innlent

Breytingar á út­lendinga­lögum af­greiddar á bak við tjöldin?

Hólmfríður Gísladóttir skrifar
Guðrún Hafsteinsdóttir dómsmálaráðherra að ríkisstjórnarfundi loknum í dag.
Guðrún Hafsteinsdóttir dómsmálaráðherra að ríkisstjórnarfundi loknum í dag. Vísir/Arnar

Til stendur að kynna nýtt frumvarp um breytingar á útlendingalögum nú í vikunni en ágreiningur er sagður uppi milli stjórnarflokkanna um nákvæma dagsetningu.

Frá þessu greinir Morgunblaðið.

Blaðið segir Guðrúnu Hafsteinsdóttur dómsmálaráðherra hafa viljað kynna frumvarpið í dag en óvíst sé hvort af því verður þar sem Vinstri græn hafi viljað fresta kynningunni til morguns.

Morgunblaðið segir málið viðkvæmt og umdeilt, sem sjáist meðal annars á því að frumvarpsins hafi ekki verið getið í dagskrá ríkisstjórnarfundar 16. febrúar síðastliðinn, jafnvel þótt það hafi sannarlega verið bæði tekið fyrir á fundinum og afgreitt.

Ingibjörg Isaksen, þingflokksformaður Framsóknarflokksins, staðfesti við blaðið að málið hefði verið afgreitt úr þingflokknum í gær og Morgunblaðið segir sama gilda um þingflokk Sjálfstæðisflokksins.

Hins vegar hafi ekki náðst í Orra Pál Jóhannsson, þingflokksformann VG, vegna málsins.

Flóttamenn Flóttafólk á Íslandi Hælisleitendur Ríkisstjórn Katrínar Jakobsdóttur Alþingi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið