Erlent

Lík­legast að ISIS beri á­byrgð á á­rásinni í Íran

Oddur Ævar Gunnarsson skrifar
Írönsk stjórnvöld lýstu yfir þjóðarsorg í dag vegna málsins.
Írönsk stjórnvöld lýstu yfir þjóðarsorg í dag vegna málsins. AP Photo/Vahid Salemi

Bandarísk yfirvöld segja að þau telji líklegast að hryðjuverkasamtökin sem kenna sig við Íslamska ríkið beri ábyrgð á hryðjuverkaárás í Íran í gær þar sem í hið minnsta 84 manns létust.

Þetta kemur fram í umfjöllun New York Times. Þar segir að um sé að ræða bráðabirgðamat bandarísku leyniþjónustunnar.

Árásin átti sér stað í gær þar sem minningarathöfn vegna hershöfðingjans Qassim Suleimani stóð yfir í Kerman í Íran. Suleimani lést í drónaárás Bandaríkjahers fyrir fjórum árum síðan.

Íranir hafa kennt Ísraelsmönnum um árásina. Þeir hafa þvertekið fyrir það að hafa átt þátt í henni.

Bandarísk yfirvöld segja þeirra gögn ekki benda til þess að Ísraelar hafi verið að baki árásinni. Tekið er fram í umfjöllun miðilsins að Ísraelar hafi oft framkvæmt árásir gegn Írönum en að þær aðgerðir hafi alla tíð beinst að hernaðarskotmörkum.

Írönsk stjórnvöld lýstu yfir þjóðarsorg í landinu í dag og hétu hefnda. Fram kemur í umfjöllun New York Times að reynist grunsemdir bandarískra stjórnvalda réttar sé um að ræða fyrsta skiptið í langan tíma sem hryðjuverkasamtökin láti á sér kræla.

Íran Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið