„Ég vildi bara að þessum manni yrði bjargað“ Margrét Björk Jónsdóttir skrifar 19. desember 2023 23:55 Ernir Snær Bjarnason og Finnur Snær Baldvinsson voru á leið til að skoða eldgosið þegar þeir urðu varir við neyðarboð frá manni sem reyndist kaldur og hrakinn. Finnur Snær Baldvinsson Ernir Snær Bjarnason er flugmaðurinn sem varð var við göngumann sem sendi neyðarboð við gosstöðvarnar á Reykjanesi fyrr í kvöld. Hann hringsólaði yfir manninum í klukkustund áður en hann var sóttur af þyrlu Landhelgisgæslunnar. Ernir er flugmaður hjá Icelandair og yfirkennari í flugskóla Reykjavíkur. Fyrr í kvöld hugðist hann fljúga yfir eldgosið með Finni Snæ Baldvinssyni félaga sínum, sem einnig er flugmaður. Þegar þeir voru að fljúga framhjá Kleifarvatni urðu þeir varir við ljósmerki sem reyndist vera SOS neyðarmerki. „Það er svona fítus á mörgum vasaljósum og símum“ útskýrir Ernir í samtali við Vísi. „Morse kóðinn er þrjú stutt, þrjú löng, þrjú stutt. Þetta er eitthvað sem maður lærir sem flugmaður. Hann lýsti þessu beint að okkur.“ Hugðust senda dróna til að athuga málið Ernir segir þá félaga strax hafa áttað sig á að um neyðarboð væri að ræða. Hann hafði samband við flugturn og flugumferðarstjóri lét viðbragðsaðila vita. „Þegar ég tilkynnti þetta ætluðu þeir að senda einhvern dróna til að skoða þetta, en ég sagði við þá að ég vildi bara að þessum manni yrði bjargað. Ekkert að kíkja á þetta neitt.“ Svo fór að þyrla Landhelgisgæslunnar var ræst út ásamt björgunarsveitum á Suðurnesjum. Á meðan flaug Ernir í hringi yfir manninum. „Við flugum yfir honum í klukkutíma til að hann myndi ekki fara neitt, vorum alltaf með hann í augsýn.“ Þyrla Landhelgisgæslunnar lýsir í átt að manninum. Finnur Snær Baldvinsson Það hafi reynst honum erfitt að geta ekki átt nein samskipti við manninn. Hann var alltaf að blikka okkur og biðja um hjálp. Hann vissi ekki að við vorum löngu búnir að biðja um hana. Þegar áhöfn Landhelgisgæslunnar hafði náð í manninn benti Ernir þeim á að það væri annað ljós nokkur hundruð metra í burtu. „Þegar þeir fóru að skoða það kom í ljós að þetta var búnaðurinn hans. Upphaflega héldum við að þeir væru tveir, að það væri einhver sem lægi þarna en sem betur fer reyndist það vera farangurinn.“ Mjög skrítið að vera einn á ferð Manninum var bjargað um klukkan hálf tíu og hann fluttur til aðhlynningar á sjúkrahús. Ernir segist ekki hafa neinar upplýsingar um líðan hans, það hafi verið niðamyrkur og ekki hægt að sjá hvort maðurinn væri slasaður. Ásgeir Erlendsson, upplýsingafulltrúi Landhelgisgæslunnar sagði fyrr í kvöld að hann hefði verið kaldur og hrakinn. Ernir fékk þær upplýsingar frá Landhelgisgæslunni að maðurinn hefði að öllum líkindum orðið úti ef þeir félagar hefðu ekki komið auga á hann og brugðist við. Finnur Snær Baldvinsson Að sögn Ernis var ískalt á svæðinu og mikið frost. „Við opnuðum gluggann á flugvélinni í nokkrar sekúndur en þurftum að loka strax vegna kulda. Það var enginn á ferð þarna í kring og mjög skrítið að vera einn á ferð þarna við Litla hrút, við gamla gíginn. Ætli hann hafi ekki verið á leið að gosinu en hafi villst af leið.“ Honum þykir líklegra að maðurinn hafi notað vasaljós frekar en síma til að gefa ljósmerkið, ljósið hafi verið það skært. Sennilega hafi ekki verið símasamband eins og stundum sé raunin í dölum á svæðinu og maðurinn því ekki getað hringt eftir hjálp. Fer sáttur að sofa Ernir er reynslumikill flugmaður en hefur ekki lent í atviki eins og þessu fyrr. Í kvöld fékk hann upplýsingar frá Landhelgisgæslunni um að maðurinn hefði að öllum líkindum orðið úti ef þeir félagar hefðu ekki komið auga á hann og brugðist við. Ernir segir frábært að hafa getað hjálpað og að hann fari sáttur að sofa í kvöld. Þá sé atvikið áminning um mikilvægi þess að kunna að nota Morse kóðann. „Þetta er eitthvað sem maður lærir snemma í flugnámi, hvernig eigi að bregðast við ef maður finnur einhvern í neyð. Maður hefur svona stundum pælt í þessu.“ Fréttir af flugi Eldgos og jarðhræringar Eldgos á Reykjanesskaga Landhelgisgæslan Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Látin móðir ekki dæmd í tugmilljóna lyfjasölumáli sonarins Innlent Viðtal á Stöð 2 kveikir upp í færeyskum stjórnmálum Erlent Dregur saman með efstu frambjóðendum Innlent Skipið leggur úr höfn Innlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Ernir er flugmaður hjá Icelandair og yfirkennari í flugskóla Reykjavíkur. Fyrr í kvöld hugðist hann fljúga yfir eldgosið með Finni Snæ Baldvinssyni félaga sínum, sem einnig er flugmaður. Þegar þeir voru að fljúga framhjá Kleifarvatni urðu þeir varir við ljósmerki sem reyndist vera SOS neyðarmerki. „Það er svona fítus á mörgum vasaljósum og símum“ útskýrir Ernir í samtali við Vísi. „Morse kóðinn er þrjú stutt, þrjú löng, þrjú stutt. Þetta er eitthvað sem maður lærir sem flugmaður. Hann lýsti þessu beint að okkur.“ Hugðust senda dróna til að athuga málið Ernir segir þá félaga strax hafa áttað sig á að um neyðarboð væri að ræða. Hann hafði samband við flugturn og flugumferðarstjóri lét viðbragðsaðila vita. „Þegar ég tilkynnti þetta ætluðu þeir að senda einhvern dróna til að skoða þetta, en ég sagði við þá að ég vildi bara að þessum manni yrði bjargað. Ekkert að kíkja á þetta neitt.“ Svo fór að þyrla Landhelgisgæslunnar var ræst út ásamt björgunarsveitum á Suðurnesjum. Á meðan flaug Ernir í hringi yfir manninum. „Við flugum yfir honum í klukkutíma til að hann myndi ekki fara neitt, vorum alltaf með hann í augsýn.“ Þyrla Landhelgisgæslunnar lýsir í átt að manninum. Finnur Snær Baldvinsson Það hafi reynst honum erfitt að geta ekki átt nein samskipti við manninn. Hann var alltaf að blikka okkur og biðja um hjálp. Hann vissi ekki að við vorum löngu búnir að biðja um hana. Þegar áhöfn Landhelgisgæslunnar hafði náð í manninn benti Ernir þeim á að það væri annað ljós nokkur hundruð metra í burtu. „Þegar þeir fóru að skoða það kom í ljós að þetta var búnaðurinn hans. Upphaflega héldum við að þeir væru tveir, að það væri einhver sem lægi þarna en sem betur fer reyndist það vera farangurinn.“ Mjög skrítið að vera einn á ferð Manninum var bjargað um klukkan hálf tíu og hann fluttur til aðhlynningar á sjúkrahús. Ernir segist ekki hafa neinar upplýsingar um líðan hans, það hafi verið niðamyrkur og ekki hægt að sjá hvort maðurinn væri slasaður. Ásgeir Erlendsson, upplýsingafulltrúi Landhelgisgæslunnar sagði fyrr í kvöld að hann hefði verið kaldur og hrakinn. Ernir fékk þær upplýsingar frá Landhelgisgæslunni að maðurinn hefði að öllum líkindum orðið úti ef þeir félagar hefðu ekki komið auga á hann og brugðist við. Finnur Snær Baldvinsson Að sögn Ernis var ískalt á svæðinu og mikið frost. „Við opnuðum gluggann á flugvélinni í nokkrar sekúndur en þurftum að loka strax vegna kulda. Það var enginn á ferð þarna í kring og mjög skrítið að vera einn á ferð þarna við Litla hrút, við gamla gíginn. Ætli hann hafi ekki verið á leið að gosinu en hafi villst af leið.“ Honum þykir líklegra að maðurinn hafi notað vasaljós frekar en síma til að gefa ljósmerkið, ljósið hafi verið það skært. Sennilega hafi ekki verið símasamband eins og stundum sé raunin í dölum á svæðinu og maðurinn því ekki getað hringt eftir hjálp. Fer sáttur að sofa Ernir er reynslumikill flugmaður en hefur ekki lent í atviki eins og þessu fyrr. Í kvöld fékk hann upplýsingar frá Landhelgisgæslunni um að maðurinn hefði að öllum líkindum orðið úti ef þeir félagar hefðu ekki komið auga á hann og brugðist við. Ernir segir frábært að hafa getað hjálpað og að hann fari sáttur að sofa í kvöld. Þá sé atvikið áminning um mikilvægi þess að kunna að nota Morse kóðann. „Þetta er eitthvað sem maður lærir snemma í flugnámi, hvernig eigi að bregðast við ef maður finnur einhvern í neyð. Maður hefur svona stundum pælt í þessu.“
Fréttir af flugi Eldgos og jarðhræringar Eldgos á Reykjanesskaga Landhelgisgæslan Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Látin móðir ekki dæmd í tugmilljóna lyfjasölumáli sonarins Innlent Viðtal á Stöð 2 kveikir upp í færeyskum stjórnmálum Erlent Dregur saman með efstu frambjóðendum Innlent Skipið leggur úr höfn Innlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira