„Þetta er það sem maður óttaðist mest“

„Við vorum að tala um tvær sviðsmyndir fyrir nokkrum dögum, ein þeirra var að allt væri að slaka á og deyja út, maður var að vonast til að það væri það sem væri í gangi. Hin er það að þetta landris og þessi teygja á skorpunni fyrir ofan innskot væri komin í þolmörk og að það myndi byrja að gjósa,“ segir Þorvaldur. 

Gosið er norðan við Grindavík. Það sést á vefmyndavéĺum og virðast vera staðsett nærri Hagafelli að því er segir í tilkynningu frá Veðurstofunni. Þyrla Landhelgisgæslunnar fer í loftið innan skamms til þess að staðfesta nákvæma staðsetningu og stærð eldgossins.

„Þetta er það sem maður óttaðist mest,“ segir Þorvaldur.

Reykjanesbraut hefur verið lokað vegna gossins.

Nánar er fylgst með gangi mála á Reykjanesi í vaktinni á Vísi.