Ást­ríða fyrir skíða­vörum og góðri þjónustu

Deildin býður upp á ótrúlega gott úrval af vönduðum og traustum vörum þar sem allir ættu að finna eitthvað við sitt hæfi. „Í gönguskíðum erum við með Madshus sem er norskt merki,“ segir Leifur Dam Leifsson, annar eigenda GG Sport. „Í svigskíðum og snjóbrettum er það K2, í svokölluðum freestyle skíðum er það LINE og síðast en ekki síst er það Black Crows í fjallaskíðum. Ramminn utan um þetta er svo sænska fatamerkið Peak Performance og ítalska fatamerkið CMP sem býður hagstæð verð fyrir alla fjölskylduna.“

K2 er sérstaklega vinsælt um þessar mundir að sögn Leifs. „K2 er eins og raketta upp á við í svigskíðum og snjóbrettum. Það er greinilegt að fólk kann vel við þetta vörumerki og treystir okkur þegar kemur að vali á búnaði. Þá fylgja MADSHUS gönguskíðin fast á eftir og vaxa með okkur á hverju ári. Við erum líka að bæta okkur stórlega í skíðafatnaði og nú hefur aldrei verið meira úrval.“

Aðspurður hvað skíðadeild GG Sport hafi helst fram yfir aðrar sambærilegar skíðadeildir segir hann auðvelt að svara því. „Í fyrsta lagi eru verðin okkar mjög góð og í raun sambærileg við það sem býðst víða erlendis. Þá bjóðum við pakkatilboð þannig að þau sem eru að kaupa fleiri en eina vöru fá jafnvel enn betri verð. En það sem hefur alltaf aðgreint okkur enn meira frá hinum er brennandi ástríða fyrir að fylgja vörunni og viðskiptavinunum eftir.“

Hann segir GG Sport vera einu verslunina sem bjóði upp á ókeypis námskeið með gönguskíðunum sem hún selur. „Við starfrækjum ókeypis svigskíðaskóla um helgar í Bláfjöllum fyrir byrjendur og höfum gert það sama með fjallaskíðin. Ég meina … hvar annars staðar kaupir þú vöru og starfsfólkið kennir þér líka á hana? Við tileinkuðum okkur þetta þegar við hófum að flytja inn kajaka því þar var þörf á smá leiðsögn. Þar gafst fólki með litla eða enga reynslu kostur á kennslu og fékk þar af leiðandi veganesti inn í framtíðina í formi þekkingar. Þetta er auðvitað til þess fallið að fólk noti búnaðinn sinn meira.“

Fyrir utan frábært vöruúrval er það góð þjónusta sem skiptir öllu máli að sögn Leifs. „Við mætum kl. 9 og gerum allt klárt fyrir opnun kl. 10. Á þessum klukkutíma fyrir opnun leggjum við línurnar yfir daginn og nýtum hann líka til að læra meira um vörurnar okkar. Þá leiða t.d. reyndari sölumenn hina með því að útskýra hvernig maður ber sig að þegar við svörum spurningum viðskiptavina varðandi ólíkar vörur.“

Stundum bregður Leifur sér í karakter, t.d. sem byrjandi eða einstaklingur sem er lengra kominn, sem kemur inn í búðina og hefur hug á skíðapakka. „Við æfum okkur í að greina þarfirnar og velja rétta vöru fyrir þennan tiltekna karakter. Þetta er mikil vinna, sérstaklega þegar úrvalið er mikið. Sem betur fer erum við með frábært starfsfólk sem leggur sig fram við að halda þjónustustiginu okkar háu.“

GG Sport er stöðugt að taka inn nýjar vetrarvörur og þessi vetur er engin undantekning. „Það koma nýjar vörur á hverju ári og núna í vetur erum við að taka inn skíðaskó með svo kölluðu BOA kerfi og breiðari línu í snjóbrettum. Einnig erum við með geggjaða nýja liti í Black Crows fjallaskíðum svo eitthvað sé nefnt. 2024 línan er öll uppsett og klár í búðinni okkar þannig að við erum svo sannarlega tilbúin fyrir þennan skíðavetur. Verið þið svo sannarlega velkomin!“

Nánari upplýsingar á ggsport.is.