Innlent

Björguðu smala­hundi úr sjálf­heldu

Atli Ísleifsson skrifar
Smalahundurinn var kominn í ógöngur í Hofsdal.
Smalahundurinn var kominn í ógöngur í Hofsdal. Landsbjörg

Björgunarsveitin Bára á Djúpavogi bjargaði smalahundi sem var í sjálfheldu og fastur í klettum í Hofsdal í gærkvöldi.

Í tilkynningu frá Slysavarnafélaginu Landsbjörg segir að eftir að aðstoðarbeiðni barst hafi björgunarfólk haldið af stað inn í Hofsdal inn af Álftafirði þar sem hundurinn var í vandræðum. 

„Eftir nokkra göngu með klifur og sigbúnað á bakinu komst björgunarfólk að seppa og gat sett upp tryggingar fyrir ofan hann. 

Landsbjörg

Vel gekk að síga niður til hans og var hann þeirri heimsókn afar feginn, sem og að komast í öryggi bakpoka björgunarfólks og þannig úr sjálfheldunni. Engum sögum fer hins vegar af hvort smalavinna hans hafi haldið áfram að því loknu eða hvutti farið heim að jafna sig,“ segir í tilkynningunni.

Frá björgunaraðgerðum. Landsbjörg
Múlaþing Björgunarsveitir Hundar Dýr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið