Litla kraftaverkadeildin Guðrún Pétursdóttir skrifar 1. október 2023 07:00 Efst á Grensásnum, næstum ósýnileg í skjóli hárra grenitrjáa, er látlaus þriggja hæða bygging. Fyrir 50 árum var henni ætlað að vera dvalarheimili aldraðra, en fékk annað hlutverk, því framsýnir menn áttuðu sig á að Íslendingar yrðu að eiga endurhæfingardeild. Þegar meðferð á bráðadeild og legudeildum spítala lýkur, eiga flestir enn töluvert í land til að ná besta mögulega bata. Til þess þarf markvissa endurhæfingu undir stjórn sérfræðinga. Þannig má ná undraverðum árangri. Það þekkja þeir sem dvalið hafa á Grensásdeild, hvort sem eru sjúklingar eða aðstandendur þeirra. Í þeim hópum er deildin kölluð Litla kraftaverkadeildin og hún nýtur trausts og einstakra vinsælda. Hún er deildin sem öllum þykir vænt um en enginn vill vera á. Til að byrja með gerði það ekki mikið til að húsnæðið var ekki hannað með endurhæfingu í huga. En eftir því sem tímar hafa liðið og tækjabúnaður hefur þróast, hefur það orðið til sífellt meiri óþæginda og er löngu farið að setja starfinu skorður. Eðli málsins samkvæmt þarf sjúkraþjálfun mest rými með ýmsum tækjabúnaði, frá handlóðum og þrekhjólum upp í fyrirferðarmikil göngubretti. Það er nánast broslegt að ætla 55 fermetra undir þessa kjarnastarfsemi, en þannig hefur það verið á Grensási. Enda æfir fólk út um allt hús, á göngum, í stigum, og hvar sem við verður komið. Undanfarin ár hefur ekki verið hægt að kaupa nýjustu og bestu þjálfunartækin, því þau einfaldlega komast ekki fyrir. 50 ára afmælisgjöfin frá ríkinu hefði því ekki getað verið betri: tveggja hæða viðbygging upp á 4.400 fermetra, sérhönnuð með þarfir endurhæfingar í huga. Í áratugi hafa Hollvinir Grensáss og aðrir velunnarar barist fyrir stækkun húsnæðisins. Óskin rættist í heimsfaraldrinum þegar stjórnvöld ákváðu að tvöfalda húsnæðið. Síðan hefur allt gengið smurt, hverjum áfanga á fætur öðrum lokið farsællega og á fimmtudaginn 5.október 2023 verður fyrsta skóflustungan tekin. Nýja byggingin mun gjörbreyta öllum aðstæðum á deildinni. Björt og rúmgóð bygging, hagkvæm og falleg. Á Grensási dvelur fólk oft í vikur og jafnvel mánuði. Þá skiptir máli að þurfa ekki að deila herbergi með öðrum. Í nýju byggingunni verða einmenningsherbergi með snyrtingu og góðri aðstöðu til umönnunar. Það er mikilvægt að létta starfsfólki handtökin, þegar unnið er með lamaða sjúklinga. Hollvinir eru í skýjunum yfir þessum áformum og fagna því að ríkið ætlar að sjá um að byggja húsið og búa það grunnbúnaði. Vel gert! En Hollvinir ætla að efna til landssöfnunar meðal fyrirtækja, félaga, klúbba og almennings, sem í gegnum tíðina hafa mætt óskum starfsmanna Grensásdeildar um sérstakan tækjabúnað. Nú verður hægt að kaupa þau tæki sem ekki hafa komist fyrir til þessa og það mun gerbylta aðstæðum til endurhæfingar. Dæmi um tæki á óskalista starfsmanna Grensáss er tölvustýrt göngubretti sem nemur hverja snertingu og skráir skrefstærð, stigþyngd, hvort báðir fætur stíga jafnþungt osfrv. Sjúklingurinn þarf ekki að bera eigin þunga, heldur er hægt að láta hann hanga í burðarvirki og stýra því hve mikill þungi hvílir á fótunum. Það þarf ekki marga starfsmenn til að halda sjúklingnum uppi og færa fætur hans. Þetta eykur öryggi og sparar mannafla stórlega. Hægt er að fylgjast stöðugt með árangri þjálfunarinnar og laga æfingar að breyttri stöðu á hverjum tíma. Sjúklingur og þjálfari sjá hvernig miðar í átt að settu marki, sem er hvetjandi. Fyrir framan sjúklinginn er skjár sem getur sýnt alls kyns umhverfi, náttúru eða borgarlandslag, en líka ójöfnur, tröppur, polla, og sveigjur sem kalla á viðbrögð sjúklingsins. Þannig verður þjálfunin margbreytileg, markviss og miklu skemmtilegri en verið hefur. Þetta er eitt þeirra tækja sem við vonumst til að landsmenn geti gefið Grensásdeild í nýju bygginguna. Nú reynir á samtakamáttinn! Söfnunarreikningurinn er þegar opinn – 00358-13-000749 og kennitalan 670406-1210. Á föstudagskvöldið 6.október 2023 verður fjölbreyttur söfnunarþáttur í sjónvarpi RÚV, þar sem margir eftirlætislistamenn þjóðarinnar leggja Grensási lið. Í símaveri Vodafone tekur úrvalslið við framlögum í síma. Gefum byr undir báða vængi – hjálpumst að! Höfundur er formaður stjórnar Hollvina Grensásdeildar. Viltu birta grein á Vísi? Sendu okkur póst. Senda grein Heilbrigðismál Mest lesið Halldór 24.05.2025 Halldór #blessmeta - önnur grein Guðrún Hrefna Guðmundsdóttir Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Stéttarkerfi Halldóra Lillý Jóhannsdóttir Skoðun Hvers virði er lambakjöt? Hafliði Halldórsson Skoðun Daði Már týnir sjálfum sér Heiðrún Lind Marteinsdóttir Skoðun Nú þurfa foreldrar að vera hugrakkir Jón Pétur Zimsen Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Skoðun Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Sjá meira
Efst á Grensásnum, næstum ósýnileg í skjóli hárra grenitrjáa, er látlaus þriggja hæða bygging. Fyrir 50 árum var henni ætlað að vera dvalarheimili aldraðra, en fékk annað hlutverk, því framsýnir menn áttuðu sig á að Íslendingar yrðu að eiga endurhæfingardeild. Þegar meðferð á bráðadeild og legudeildum spítala lýkur, eiga flestir enn töluvert í land til að ná besta mögulega bata. Til þess þarf markvissa endurhæfingu undir stjórn sérfræðinga. Þannig má ná undraverðum árangri. Það þekkja þeir sem dvalið hafa á Grensásdeild, hvort sem eru sjúklingar eða aðstandendur þeirra. Í þeim hópum er deildin kölluð Litla kraftaverkadeildin og hún nýtur trausts og einstakra vinsælda. Hún er deildin sem öllum þykir vænt um en enginn vill vera á. Til að byrja með gerði það ekki mikið til að húsnæðið var ekki hannað með endurhæfingu í huga. En eftir því sem tímar hafa liðið og tækjabúnaður hefur þróast, hefur það orðið til sífellt meiri óþæginda og er löngu farið að setja starfinu skorður. Eðli málsins samkvæmt þarf sjúkraþjálfun mest rými með ýmsum tækjabúnaði, frá handlóðum og þrekhjólum upp í fyrirferðarmikil göngubretti. Það er nánast broslegt að ætla 55 fermetra undir þessa kjarnastarfsemi, en þannig hefur það verið á Grensási. Enda æfir fólk út um allt hús, á göngum, í stigum, og hvar sem við verður komið. Undanfarin ár hefur ekki verið hægt að kaupa nýjustu og bestu þjálfunartækin, því þau einfaldlega komast ekki fyrir. 50 ára afmælisgjöfin frá ríkinu hefði því ekki getað verið betri: tveggja hæða viðbygging upp á 4.400 fermetra, sérhönnuð með þarfir endurhæfingar í huga. Í áratugi hafa Hollvinir Grensáss og aðrir velunnarar barist fyrir stækkun húsnæðisins. Óskin rættist í heimsfaraldrinum þegar stjórnvöld ákváðu að tvöfalda húsnæðið. Síðan hefur allt gengið smurt, hverjum áfanga á fætur öðrum lokið farsællega og á fimmtudaginn 5.október 2023 verður fyrsta skóflustungan tekin. Nýja byggingin mun gjörbreyta öllum aðstæðum á deildinni. Björt og rúmgóð bygging, hagkvæm og falleg. Á Grensási dvelur fólk oft í vikur og jafnvel mánuði. Þá skiptir máli að þurfa ekki að deila herbergi með öðrum. Í nýju byggingunni verða einmenningsherbergi með snyrtingu og góðri aðstöðu til umönnunar. Það er mikilvægt að létta starfsfólki handtökin, þegar unnið er með lamaða sjúklinga. Hollvinir eru í skýjunum yfir þessum áformum og fagna því að ríkið ætlar að sjá um að byggja húsið og búa það grunnbúnaði. Vel gert! En Hollvinir ætla að efna til landssöfnunar meðal fyrirtækja, félaga, klúbba og almennings, sem í gegnum tíðina hafa mætt óskum starfsmanna Grensásdeildar um sérstakan tækjabúnað. Nú verður hægt að kaupa þau tæki sem ekki hafa komist fyrir til þessa og það mun gerbylta aðstæðum til endurhæfingar. Dæmi um tæki á óskalista starfsmanna Grensáss er tölvustýrt göngubretti sem nemur hverja snertingu og skráir skrefstærð, stigþyngd, hvort báðir fætur stíga jafnþungt osfrv. Sjúklingurinn þarf ekki að bera eigin þunga, heldur er hægt að láta hann hanga í burðarvirki og stýra því hve mikill þungi hvílir á fótunum. Það þarf ekki marga starfsmenn til að halda sjúklingnum uppi og færa fætur hans. Þetta eykur öryggi og sparar mannafla stórlega. Hægt er að fylgjast stöðugt með árangri þjálfunarinnar og laga æfingar að breyttri stöðu á hverjum tíma. Sjúklingur og þjálfari sjá hvernig miðar í átt að settu marki, sem er hvetjandi. Fyrir framan sjúklinginn er skjár sem getur sýnt alls kyns umhverfi, náttúru eða borgarlandslag, en líka ójöfnur, tröppur, polla, og sveigjur sem kalla á viðbrögð sjúklingsins. Þannig verður þjálfunin margbreytileg, markviss og miklu skemmtilegri en verið hefur. Þetta er eitt þeirra tækja sem við vonumst til að landsmenn geti gefið Grensásdeild í nýju bygginguna. Nú reynir á samtakamáttinn! Söfnunarreikningurinn er þegar opinn – 00358-13-000749 og kennitalan 670406-1210. Á föstudagskvöldið 6.október 2023 verður fjölbreyttur söfnunarþáttur í sjónvarpi RÚV, þar sem margir eftirlætislistamenn þjóðarinnar leggja Grensási lið. Í símaveri Vodafone tekur úrvalslið við framlögum í síma. Gefum byr undir báða vængi – hjálpumst að! Höfundur er formaður stjórnar Hollvina Grensásdeildar.
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun