Erlent

Nemandinn sem stakk Ingunni á­fram í gæslu­varð­haldi

Viktor Örn Ásgeirsson skrifar
Rektor háskólans sagði árásina sorglega og alvarlega.
Rektor háskólans sagði árásina sorglega og alvarlega. Ingunn Björnsdóttir / Getty

Nemandinn sem stakk Ingunni Björnsdóttur, dósent í lyfjafræði við Óslóarháskóla, hefur verið úrskurðaður í áframhaldandi gæsluvarðhald. Nemandinn hefur verið ákærður fyrir tilraun til manndráps.

Ingunn var stungin í skólanum ásamt samkennara sínum hinn 25. ágúst síðastliðinn. Ingunn hlaut töluverða áverka í árásinni en samkennari hennar, kona á þrítugsaldri, særðist lítillega.

Nettavisen greinir frá því að forsögu málsins megi rekja til þess að árásarmaðurinn, sem er 23 ára gamall, hafi fallið á prófi. Eftir árásina var hann yfirbugaður af fólki sem varð vitni að atburðarrásinni. Tveir hnífar fundust á vettvangi en að sögn yfirvalda var maðurinn rólegur þegar lögreglu bar að garði.

Gæsluvarðhaldið hefur nú verið framlengt um fjórar vikur.

Noregur Erlend sakamál Íslendingar erlendis
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið