Stór­tón­leikar Magga Kjartans í Eld­borg

Mikið fjör og eftirvænting ríkti í Eldborgarsal Hörpu um helgina þegar prúðbúnir tónleikagestir mættu til að hlíða á ógleymanleg lög úr smiðju Magnúsar Kjartanssonar. Þar var farið yfir feril Magnúsar með mörgum af hans sígildu lögum sem flutt voru af skorskotaliði hljóðfæraleikara og söngvara. 

Meðal hljómsveita sem Maggi var í má nefna Trúbrot, Óðmenn, Brimkló, Júdas, Sléttuúlfarnir, Haukar, Brunaliðið, HLH flokkinn að ógleymdri Hljómsveit Magnúsar Kjartanssonar. 

Á tónleikunum sem voru hinir glæsilegustu komu fram listamennirnir: Stefán Hilmarsson, Selma Björnsdóttir, Stefanía Svavarsdóttir, Sigurður Guðmundsson, Alexander Örn, Óskar Logi, Stefán Ari, Samúel Jón Samúelsson, Vilhjálmur Guðjónsson, Mattías Stefánsson, Ingólfur Magnússon og Ingólfur Sigurðsson. 

Lýsing var í höndum Agnars Hermannssonar og Haffi Tempó sá um hljóð. Sjón er sögu ríkari.