Innlent

Æsi­­spennandi eltinga­­leikur há­hyrninga og sels

Sólrún Dögg Jósefsdóttir skrifar
Óðinn segist ekki hafa séð neitt í líkingu við þetta. 
Óðinn segist ekki hafa séð neitt í líkingu við þetta.  Óðinn Hauksson

Litlu mátti muna þegar hópur hárhyrninga gerði atlögu að því að klófesta sel inni í Arnarfirði í gær. Eltingaleikurinn var æsispennandi og náðist á myndband. 

Óðinn Hauksson, sem rekur kajakþjónustuna Odin Adventures, hafði verið í kajakferð með hópi ferðamanna um Svalvoga þegar hann kom auga á eltingaleikinn. „Þannig að við brunuðum eins nálægt og við gátum til þess að taka myndir. Þetta er náttúrlega bara eitthvað sem maður sér í sjónvarpi,“ segir Óðinn í samtali við Vísi.

Hann segir hópinn hafa fylgst með eltingaleiknum í meira en tuttugu mínútur. Þá hafi hann séð á athæfi háhyrninganna að líklegast væru þeir stóru að kenna þeim litlu að veiða sér til matar. 

„Ég hef verið með alveg tólf fimmtán metra hvali við hliðina á bátnum en maður hefur aldrei upplifað eitt eða neitt í þessum dúr. Ég hugsaði það eftir á að ég fengi ábyggilega sjokk næst þegar ég sæi háhyrninga nálægt bátnum,“ segir Óðinn.

Myndbandið má sjá hér að neðan. 

Dýr Ísafjarðarbær Hvalir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið