Taka upp hlaðvarp á meðan börnin sofa Garpur I. Elísabetarson skrifar 9. júlí 2023 09:02 Þorsteinn og Marteinn hittust á fæðingardeildinni og ákváðu í kjölfarið að byrja með hlaðvarp. aðsend Nú er sólin loksins búin að frelsa sig úr einokun landsbyggðarinnar og byrjuð að skína á suðvesturhornið við mikinn fögnuð sólþyrstra höfuðborgarbúa. Það má sjá stuttermaklædda hlaupara útum allt með bros á vör en það hefur þó borið á því undanfarið að hlauparar landsins hafa verið óvenju brosmildir á hlaupum löngu áður en góða veðrið fór að láta á sér kræla, því í byrjun sumars birtist nýtt hlaðvarp: Út að hlaupa. Þátturinn er í umsjón tveggja hlaupara, Þorsteins Roy Jóhannssonar og Marteins Urbancic sem eru þekktar stærðir í hlaupasenunni hér á landi, þá sérstaklega Þorsteinn sem birtist fyrir örfáum árum á hlaupasviðið eins og stormsveipur og hefur verið á palli í flestum hlaupum sem hann tekur þátt í. Þorsteinn hefur tileinkað sér orðin: sá vinnur sem mest hefur gaman og er því auðvelt að eiga marga sigurvegara úr öllum hlaupum. Þorsteinn og Marteinn eru þekktar stærðir í hlaupasenunni hér á landiaðsend Alvöru aulahúmor á ferðinni En þeir eru þó þekktir fyrir meira en hlaup, því þeir sem hafa gaman af alvöru góðum aulahúmor og orðaleikjum hafa fengið mikið fyrir lítið þegar kveikt er á hlaðvarpinu þeirra. Þeir taka fyrir keppnishlaup sumarsins, þó aðalega utanvegakeppnishlaup en tala þó einnig almennt um hlaup hvar á að byrja, hvernig á að koma sér á stað, hvað á að hafa meðferðis í hlaup, hvað skal varast og fleira sem ætti að koma sér vel þegar pælt er í að koma sér út að hreyfa sig. Vinir á fæðingardeildinni Þorsteinn og Marteinn kynntust þegar þeir voru í fótbolta í ÍR en þeirra vinskapur var þó fyrir alvöru innsiglaður þegar þeir hittust á fæðingardeildinni að taka á móti börnum sínum. Marteinn flýgur í dag fyrir Icelandair og Þorsteinn er að fara í framhaldsnám í sjúkraþjálfun. Þegar þeir eru ekki að sinna börnum, fljúga eða hlaupa, þá setjast þeir niður í barnaherbergi dóttur Þorsteins og taka upp hlaðvarp og ræða allt sem viðkemur hlaupunum. Það er meira að segja það heimilislegt hjá þeim að það getur verið að það þurfi að taka sér pásu frá hlaupatali til að bjóða góða nótt. Strákarnir taka upp hlaðvarp þegar börnin sofaAðsend Bugaður Villi á Laugaveginum og kærasta í Kenya Þeir fengu hlauparann Nick Gísla í stórskemmtilegt spjall en hann var þá nýkominn heim úr hlaupaferð í Kenýa þar sem hann lenti í allskyns ævintýrum og svo fengu þeir Vilhjálm Frey Hallsson, betur þekktur sem Villi úr Steve Dagskrá hlaðvarpinu en hann á stórskemmtilega og átakanlega sögu úr sínu fyrsta Laugavegshlaupi. Í þættinum fara þeir yfir Laugavegshlaupið, sem er lang þekktasta utanvegahlaup landsins og er nokkurskonar árshátíð utanvegahlaupara landsins. Í ár eru langflestir, ef ekki allir sterkustu hlauparar landsins skráðir og verður mjög spennandi að fylgjast með þann 15. júlí þegar ræst verður af stað mörghundruð hlaupurum úr Landmannalaugum sem ætla að hlaupa í einum rykk yfir í Þórsmörk eða um 53 kílómetra. Kynntist kærustunni á hlaupum Í síðasta þætti var enginn annar en hinn norski Stian Angermund, tvöfaldur heimsmeistari í utanvegahlaupum, gestur hjá félögunum. Þorsteinn keppti einmitt við hann þegar þeir hlupu á HM í utanvegahlaupum í Austuríki júní á þessu ári. Þeir fóru yfir feril Stian og spjölluðu þeir um allt sem við kemur hlaupum. Stian er mikill fjölskyldumaður en hann kynntist konunni sinni á hlaupum þegar þau kepptu árið 2014 og eiga þau dóttur í dag og er það alveg smá pússluspil fyrir hann að halda sér í efstu hillu í hlaupum. Hann talar þó um mikilvægi þess að eyða tíma með fjölskyldu sinni en hann hætti í vinnunni til að einbeita sér að hlaupunum og fór að þjálfa aðra hlaupara til að afla sér tekna á móti. Hann æfir þess vegna á hefðbundnum vinnutíma til þess að getað sinnt fjölskyldu lífinu til jafns við hlaupin. Hlaup Mest lesið Þessi lönd gáfu Íslandi stigin þrjú Lífið Hellti sér yfir EBU að lokinni keppni Lífið „Það var algjört kossaflens í gangi í Breiðholtinu“ Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Fögnuðu heimkomu Nemo Lífið Stjörnulífið: „Mér fannst mæðradagurinn alltaf triggerandi“ Lífið Leikkonan sem lék fyrsta fórnarlambið í Ókindinni er látin Lífið Skilyrði að koma Borgarnesi á kortið Lífið Guðný og Pétur selja glæsihöll í Garðabæ Lífið Fleiri fréttir Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Bíó og plokkfiskur á Patreksfirði um hvítasunnuhelgina Meistari B-kvikmyndanna látinn Krakkatían: Prinsar, fótbolti og Hollywood pör „Veistu það Frosti, ég get ekki tekið þetta viðtal“ Ísland lenti í síðasta sæti í Eurovision Íslendingar gáfu Króatíu 12 stig og Ísrael 8 stig Sviss sigurvegari Eurovision 2024 Fylgjast frekar með Falastinvision í mótmælaskyni 93 ára og 90 ára söngfuglar á Suðurlandi Fauk í Joost þegar hann var myndaður eftir flutninginn Eurovision-vaktin: Nemo vann á dramatísku kvöldi í Malmö Norski stigakynnirinn hættir við Kvartar yfir Ísrael og vill að þeim verði vísað úr keppni „Ég hef aldrei lent í öðru eins“ Fréttatía vikunnar: Eldgos, knattspyrna og rapparar „Bangsar eru í raun partur af fjölskyldunni“ Sjá meira
Það má sjá stuttermaklædda hlaupara útum allt með bros á vör en það hefur þó borið á því undanfarið að hlauparar landsins hafa verið óvenju brosmildir á hlaupum löngu áður en góða veðrið fór að láta á sér kræla, því í byrjun sumars birtist nýtt hlaðvarp: Út að hlaupa. Þátturinn er í umsjón tveggja hlaupara, Þorsteins Roy Jóhannssonar og Marteins Urbancic sem eru þekktar stærðir í hlaupasenunni hér á landi, þá sérstaklega Þorsteinn sem birtist fyrir örfáum árum á hlaupasviðið eins og stormsveipur og hefur verið á palli í flestum hlaupum sem hann tekur þátt í. Þorsteinn hefur tileinkað sér orðin: sá vinnur sem mest hefur gaman og er því auðvelt að eiga marga sigurvegara úr öllum hlaupum. Þorsteinn og Marteinn eru þekktar stærðir í hlaupasenunni hér á landiaðsend Alvöru aulahúmor á ferðinni En þeir eru þó þekktir fyrir meira en hlaup, því þeir sem hafa gaman af alvöru góðum aulahúmor og orðaleikjum hafa fengið mikið fyrir lítið þegar kveikt er á hlaðvarpinu þeirra. Þeir taka fyrir keppnishlaup sumarsins, þó aðalega utanvegakeppnishlaup en tala þó einnig almennt um hlaup hvar á að byrja, hvernig á að koma sér á stað, hvað á að hafa meðferðis í hlaup, hvað skal varast og fleira sem ætti að koma sér vel þegar pælt er í að koma sér út að hreyfa sig. Vinir á fæðingardeildinni Þorsteinn og Marteinn kynntust þegar þeir voru í fótbolta í ÍR en þeirra vinskapur var þó fyrir alvöru innsiglaður þegar þeir hittust á fæðingardeildinni að taka á móti börnum sínum. Marteinn flýgur í dag fyrir Icelandair og Þorsteinn er að fara í framhaldsnám í sjúkraþjálfun. Þegar þeir eru ekki að sinna börnum, fljúga eða hlaupa, þá setjast þeir niður í barnaherbergi dóttur Þorsteins og taka upp hlaðvarp og ræða allt sem viðkemur hlaupunum. Það er meira að segja það heimilislegt hjá þeim að það getur verið að það þurfi að taka sér pásu frá hlaupatali til að bjóða góða nótt. Strákarnir taka upp hlaðvarp þegar börnin sofaAðsend Bugaður Villi á Laugaveginum og kærasta í Kenya Þeir fengu hlauparann Nick Gísla í stórskemmtilegt spjall en hann var þá nýkominn heim úr hlaupaferð í Kenýa þar sem hann lenti í allskyns ævintýrum og svo fengu þeir Vilhjálm Frey Hallsson, betur þekktur sem Villi úr Steve Dagskrá hlaðvarpinu en hann á stórskemmtilega og átakanlega sögu úr sínu fyrsta Laugavegshlaupi. Í þættinum fara þeir yfir Laugavegshlaupið, sem er lang þekktasta utanvegahlaup landsins og er nokkurskonar árshátíð utanvegahlaupara landsins. Í ár eru langflestir, ef ekki allir sterkustu hlauparar landsins skráðir og verður mjög spennandi að fylgjast með þann 15. júlí þegar ræst verður af stað mörghundruð hlaupurum úr Landmannalaugum sem ætla að hlaupa í einum rykk yfir í Þórsmörk eða um 53 kílómetra. Kynntist kærustunni á hlaupum Í síðasta þætti var enginn annar en hinn norski Stian Angermund, tvöfaldur heimsmeistari í utanvegahlaupum, gestur hjá félögunum. Þorsteinn keppti einmitt við hann þegar þeir hlupu á HM í utanvegahlaupum í Austuríki júní á þessu ári. Þeir fóru yfir feril Stian og spjölluðu þeir um allt sem við kemur hlaupum. Stian er mikill fjölskyldumaður en hann kynntist konunni sinni á hlaupum þegar þau kepptu árið 2014 og eiga þau dóttur í dag og er það alveg smá pússluspil fyrir hann að halda sér í efstu hillu í hlaupum. Hann talar þó um mikilvægi þess að eyða tíma með fjölskyldu sinni en hann hætti í vinnunni til að einbeita sér að hlaupunum og fór að þjálfa aðra hlaupara til að afla sér tekna á móti. Hann æfir þess vegna á hefðbundnum vinnutíma til þess að getað sinnt fjölskyldu lífinu til jafns við hlaupin.
Hlaup Mest lesið Þessi lönd gáfu Íslandi stigin þrjú Lífið Hellti sér yfir EBU að lokinni keppni Lífið „Það var algjört kossaflens í gangi í Breiðholtinu“ Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Fögnuðu heimkomu Nemo Lífið Stjörnulífið: „Mér fannst mæðradagurinn alltaf triggerandi“ Lífið Leikkonan sem lék fyrsta fórnarlambið í Ókindinni er látin Lífið Skilyrði að koma Borgarnesi á kortið Lífið Guðný og Pétur selja glæsihöll í Garðabæ Lífið Fleiri fréttir Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Bíó og plokkfiskur á Patreksfirði um hvítasunnuhelgina Meistari B-kvikmyndanna látinn Krakkatían: Prinsar, fótbolti og Hollywood pör „Veistu það Frosti, ég get ekki tekið þetta viðtal“ Ísland lenti í síðasta sæti í Eurovision Íslendingar gáfu Króatíu 12 stig og Ísrael 8 stig Sviss sigurvegari Eurovision 2024 Fylgjast frekar með Falastinvision í mótmælaskyni 93 ára og 90 ára söngfuglar á Suðurlandi Fauk í Joost þegar hann var myndaður eftir flutninginn Eurovision-vaktin: Nemo vann á dramatísku kvöldi í Malmö Norski stigakynnirinn hættir við Kvartar yfir Ísrael og vill að þeim verði vísað úr keppni „Ég hef aldrei lent í öðru eins“ Fréttatía vikunnar: Eldgos, knattspyrna og rapparar „Bangsar eru í raun partur af fjölskyldunni“ Sjá meira