Aðeins 50.000 kr. í vasann af 150.000 kr. lífeyrissjóðstekjum

Jóhann Páll Jóhansson skrifar 25. apríl 2023 13:30

Frítekjumark lífeyristekna er 25 þúsund krónur á mánuði.

Allar tekjur úr lífeyrissjóði umfram það koma til frádráttar á greiðslum almannatrygginga.

Hvað þýðir þetta?

Tökum raunhæft dæmi, af eldri konu sem býr ein.

Segjum að hún hafi alið börn, rekið heimili og unnið slítandi störf á alltof lágum launum en engu að síður náð að safna sér lífeyrisréttindum upp á 150 þúsund krónur á mánuði.

Hvað stendur eftir þegar hún fer á eftirlaun?

Svarið er 50 þúsund krónur.

Aðeins þriðjungur af 150 þúsund krónunum situr eftir sem auknar ráðstöfunartekjur konunnar í hverjum mánuði.

Ríkið tekur restina í formi skatta og skerðinga.

Þannig er jaðarskattbyrðin af þessum 150 þúsund króna lífeyrisréttindum 67 prósent.

Er þetta það sem lagt var upp með þegar almennum lífeyrissjóðum var komið á fót í kjölfar kjarasamninga 1969, að greiðslur úr lífeyrissjóðunum yrðu dregnar svo rækilega frá greiðslum almannatrygginga að ríkið sjálft yrði stóri lífeyrisþegi lífeyrissjóðanna?

Höfundur er þingmaður Samfylkingarinnar.

Viltu birta grein á Vísi? Sendu okkur póst.

Senda grein

Jóhann Páll Jóhannsson Samfylkingin Skattar og tollar Lífeyrissjóðir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.