Innlent

Mörg þúsund lítrar málningar láku í Mosfellsbæ

Magnús Jochum Pálsson skrifar
Mörg þúsund lítrar af málningu láku út á veginn þegar farmur flutningabíls valt á Vesturlandsvegi við Varmá í Mosfellsbæ.
Mörg þúsund lítrar af málningu láku út á veginn þegar farmur flutningabíls valt á Vesturlandsvegi við Varmá í Mosfellsbæ. Vísir/Kristín

Mörg þúsund lítrar af hvítri málningu láku út á þjóðveginn við Varmá í Mosfellsbæ þegar farmur bíls valt um hálf sex leytið í kvöld. Fulltrúar Vegagerðarinnar, Heilbrigðiseftirlitsins og efnaeyðingar Terra eru að vinna að því að hreinsa upp málninguna.

Að sögn fulltrúa Slökkviliðsins valt farmur flutningabíls á Vesturlandsvegi um hálf sex leytið með þeim afleiðingum að mörg þúsund lítrar af hvítri málningu láku út á veginn. Bíllinn sjálfur hafi ekki oltið, aðeins farmurinn.

Ljósmyndir af vettvangi við Varmá þar sem þúsundir lítra af hvítri málningu láku niður á veginn þegar farmur bíls valt.Aðsent

Þá séu fulltrúar Heilbrigðiseftirlitsins, Vegagerðarinnar, tryggingafélaga og efnaeyðingar Terra komnir á staðinn til að hreinsa upp málninguna.

Tveir lokunarbílar eru komnir frá Vegagerðinni til að loka veginum í kjölfarið verði reynt að hreinsa þetta eins vel og hægt er. 

„Það er verið að blanda sandi við málninguna núna og tína upp körin upp á bíl. Þetta er smám saman að vinnast,“ sagði fulltrúi Slökkviliðsins í samtali við fréttastofu. 

Aðspurður hvort aðgerðin tæki langan tíma sagði hann „Þetta klárast fyrir miðnætti.“

Hér fyrir neðan má sjá myndband af vettvangi. Þar má sjá að auk slökkviliðsins eru sjúkrabílar og lögreglubílar á staðnum.

Mosfellsbær Slökkvilið Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið