Sanna hættir sem for­maður

Í finnsku þingkosningunum sem fram fóru um helgina fékk flokkur Sönnu 43 þingmenn en Sambandsflokkurinn fékk 48 þingmenn af tvö hundruð. Þjóðernisflokkurinn Finnaflokkurinn fékk 46 þingmenn. 

Játaði Sanna Marin ósigur og óskaði Petteri Orpo, formanni Sambandsflokksins, til hamingju með sigurinn. Mun hann leiða stjórnarmyndunarviðræður og er hefðin sú að formaður vinsælasta flokksins verði forsætisráðherra. 

Yle greinir frá því að Sanna Marín hafi tilkynnt að hún muni segja af sér sem formaður Jafnaðarmannaflokksins á morgun. Hún hafði ekkert tjáð sig um stöðu sína eftir kosningarnar fyrr en nú. 

Hún segir ákvörðun sína ekki eingöngu koma til vegna sigurs Orpo en hún mun halda áfram að vera óbreyttur þingmaður á finnska þinginu. Hún segir síðastliðið ár hafa reynst sér mjög erfitt og vildi hún nýta tækifærið til að stíga til hliðar. 

Flokkurinn er í viðræðum við Sambandsflokkinn um sæti í ríkisstjórninni en Sanna mun halda áfram að leiða flokkinn í þeim viðræðum að eigin sögn. Formlegar viðræður geta þó ekki hafist fyrr en föstudaginn eftir páska.