Skoðuðu tvö hundruð fermetra hús með hundrað fermetra sólpalli

Þau bjuggu áður ásamt börnunum sínum þremur í Breiðholti en langaði að breyta til og færa sig yfir á Suðurlandið.

Þau fengu Árna Björn og Helen á fasteignasölunni Pálsson til að aðstoða sig við leitina. Þau sýndu þeim þrjár eignir, eina á Selfossi og tvær í Þorlákshöfn.

Til að minnka skuldir og ráða frekar við stærri eign var markið sett út fyrir borgarmörkin.

Hér að neðan má sjá þegar parið skoðaði fallegt einbýlishús á Selfossi. Um var að ræða hús á einni hæð, tvö hundruð fermetra með innbyggðum bílskúr. Á eignina var sett tæpar 94 milljónir.