Erlent

Fallið frá fyrirhugaðri löggjöf um „erlenda aðila“

Hólmfríður Gísladóttir skrifar
Mótmælendur sögðust vilja tilheyra Evrópu, ekki hverfa aftur til Sovét-tímans.
Mótmælendur sögðust vilja tilheyra Evrópu, ekki hverfa aftur til Sovét-tímans. AP/Zurab Tsertsvadze

Draumaflokkurinn, stærsti þingflokkur Georgíu, hefur ákveðið að draga til baka frumvarp um „erlenda aðila“ eftir hörð mótmæli. Flokkurinn sagðist í yfirlýsingu vilja draga úr átökum í þjóðfélaginu.

Þúsundir mótmæltu frumvarpinu í Tbilisi í gær og í fyrradag og að minnsta kosti 60 voru handteknir við þinghúsið. Óeirðarlögregla var kölluð til og mætti mótmælendum með vatnsbyssum og táragasi.

Gagnrýnendur sögðu fyrirhugaða löggjöf ógn við málfrelsi í landinu en samkvæmt frumvarpinu hefðu allar óopinberar stofnanir og fjölmiðlar sem fá meira en 20 prósent rekstrarfés erlendis frá þurft að skrá sig sem „erlenda aðila“.

Þá bentu stjórnarandstæðingar á að um væri að ræða áþekk lög og sett voru í Rússlandi árið 2012 og hefur ítrekað verið beitt til að þagga niður í gagnrýnisröddum á þarlend stjórnvöld.

Áformin voru enn fremur harðlega gagnrýnd í Bandaríkjunum og Evrópu en Josep Borrell, æðsti yfirmaður utanríkismála hjá Evrópusambandinu, sagði þau ganga gegn gildum sambandsins, sem Georgía vill verða aðili að.

Georgía Evrópusambandið Fjölmiðlar Mannréttindi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið