Óku á bruna­hana og hús­vegg

Þetta staðfestir lögregla í samtali við People. Fram kemur að parið hafi verið Mercedes-bíl sem hafi lent í slysi og hafnað á brunahana.

Ekki hefur verið fengist staðfest hvort þeirra hafi verið undir stýri, en TMZ hefur eftir heimildum að Davidson hafi misst stjórn á bílum með þeim afleiðingum að bíllinn hafnaði á brunahana og síðar húsvegg. Ekki hafi aðrir bílar komið við sögu í slysinu.

Enginn ku hafa meiðst sem varð seint á laugardagskvöld að staðartíma. TMZ birtir myndir af vettvangi þar sem sjást skemmdir á húsinu og bremsuför á veginum. Samkvæmt heimildum á ökumaðurinn ekki að hafa ekið undir áhrifum.

Davidson sló í gegn í þáttunum Saturday Night Live en hefur jafnframt birst í nokkum sjónvarpsþáttum og kvikmyndum.

Samband þeirra Sui-Wonders er frekar nýtt af nálinni en þau voru nýkomin heim til Los Angeles frá Hawaii þar sem þau höfðu verið í fríi. Fyrr um kvöldið hafði Davidson afhent verðlaun á verðlaunahátíðinni Kids' Choice Awards í Los Angeles.

Ástarmál hins 29 ára Davidson hafa síðustu ár verið áberandi á síðum slúðurblaðanna vestra, en hann hefur meðal annars átt í ástarsambandi með Kim Kardashian og leikkonunni Phoebe Dynevor.