Febrúarspá Siggu Kling - Vogin

Núna ertu á tímabili þar sem þú þarft að hugsa um þá sem næst þér standa og að gefa tímann þinn eins og þú best getur.

Þú hefur ekki staðið á skoðunum þínum og sumar eru alveg hárréttar, en þegar maður hefur sterkar skoðanir þá eru alls ekki allir sammála þeim, svo iðkaðu þolinmæði elsku hjartað mitt.

Þú gætir verið að standa í einhverskonar málaferlum eða að reyna að breyta þeim verkefnum sem fyrir framan þig eru. Þú skalt hugsa hátt og hærra en þú heldur að þú getir, því að í því felst sigurinn.

Á þessu tímabili verður þér fólgið verkefni sem þú vilt í raun og veru ekki gera. En þarna þarftu þess, svo segðu bara já því það breytir líflínunni þinni til hins betra, þó að þú sjáir það ekki í augnablikinu.

Það er þér eðlislægt að hafa of miklar áhyggjur af framtíðinni og í þeirri hugsun þarftu að sjá að það er alveg sama hversu dimmt þér finnst hafa verið hérna áður fyrr, þá hefur þú samt alltaf lent á fótunum, svo gleymdu því ekki.

Það er orka kennarans sem að tengir þig á næstunni og það þýðir að þú munt leiðbeina og hjálpa öðrum til að ná markmiðum sínum og í þessu felst gleði og léttleiki. Og þó að þú hafir verið pirruð núna í janúar, þá heilsar febrúar þér sérstaklega fallega og þá vil ég segja þér að frá ellefta febrúar er allt búið að raðast saman eins og þig langaði að hafa það.

Ef draumar þínir snúast að ástinni, þá er þessi tími þér góður og það mun koma þér á óvart hvað hjartað þitt á eftir að slá örar og þakklæti yfir því að þú laðar að þér elsku og ást.

Knús og kossar, Sigga Kling