Veður

Út­lit fyrir á­fram­haldandi um­hleypingar út vikuna

Atli Ísleifsson skrifar
Fólk á gönguskíðum á Hvaleyrarvatni.
Fólk á gönguskíðum á Hvaleyrarvatni. Vísir/Vilhelm

Útlit er fyrir suðvestan fimm til þrettán metrum á sekúndu með skúrum í dag, en þegar líður á daginn léttir til austanlands. Reikna má með að hiti verði á bilinu tvö til sjö stig.

Í hugleiðingum veðurfræðings á vef Veðurstofunnar segir að í kvöld og í nótt snúist í norðvestan tíu til átján metra á sekúndu með slydduéljum eða éljum, einkum á vestan- og norðanverðu landinu. Það kólni í veðri með norðanáttinni.

„Á morgun lægir, birtir víða upp og vægt frost. Það léttir fyrst til vestan- og sunnanlands í fyrramálið og síðdegis um landið norðaustanvert.

Strax annað kvöld er síðan vaxandi sunnanvindur á landinu og það má búast við hlýindum og rigningu á fimmtudaginn.

Síðan er útlit fyrir áframhaldandi umhleypingar út vikuna,“ segir á vef Veðurstofunnar.

Spákort fyrir klukkan 14 í dag.Veðurstofan

Veðurhorfur á landinu næstu daga

Á miðvikudag: Norðvestan 8-15 m/s og él í fyrstu á Norður- og Austurlandi, en síðan hægari vindur og bjart veður. Frost 0 til 5 stig. Vaxandi sunnanátt á vestanverðu landinu um kvöldið með slyddu eða rigningu og hlýnar.

Á fimmtudag: Sunnan 10-18 og rigning, einkum sunnan- og vestanlands. Hiti 5 til 12 stig. Hvöss suðvestanátt með éljum og kólnandi veðri um kvöldið.

Á föstudag: Hvöss vestanátt og él, en þurrt austanlands. Hiti um eða undir frostmarki.

Á laugardag: Suðlæg átt með slyddu eða snjókomu, síðar talsverð rigning sunnan- og vestanlands. Hlýnandi veður.

Á sunnudag: Útlit fyrir vestan- og síðar norðvestanátt með éljum og kólnar aftur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.