Bjarni vill gjalda varhug við hatursorðræðunámskeiði Katrínar Jakob Bjarnar skrifar 23. janúar 2023 16:23 Katrín hefur boðað þingsályktunartillögu um hatursorðræðu en hún mun fela í sér meðal annars að opinberum starfsmönnum og kjörnum fulltrúum verði gert að sitja sérstakt námskeið um hatursorðræðu. Ekki er á vísan að róa með hvort hún njóti stuðnings innan ríkisstjórnarinnar með það erindi. vísir/vilhelm Ekki var að heyra á Bjarna Benediktssyni, fjármálaráðherra og formanni Sjálfstæðisflokksins, að hann muni styðja tillögu sem Katrín Jakobsdóttir forsætisráðherra vill leggja fyrir þingið, að opinberir starfsmenn og kjörnir fulltrúar verði skikkaðir til að sitja sérstakt námskeið um hatursorðræðu. Sigmundur Davíð Gunnlaugsson, formaður Miðflokksins, hefur lýst yfir miklum efasemdum um tillögu sem Katrín hefur boðað og felur í sér það að opinberir starfsmenn sitji skyldunámskeið þar sem fjallað verður um hatursorðræðu sem Katrín segir að hafi færst mjög í aukana á Íslandi að undanförnu. Sigmundur Davíð vildi heyra hver afstaða Bjarna er til málsins og gekk á hann í fyrirspurnartíma á Alþingi nú fyrir stundu. Ætlar Bjarni virkilega að styðja innrætingarnámskeið? Sigmundur Davíð hafði áður spurt Bjarna hvort vænta mætti einhverra fullmótaðra hugmynda um hvernig taka ætti á hælisleitendamálum, og aðgerða í kjölfarið. Bjarni hafði sagt að vissulega væri um vandasaman málaflokk að ræða, umsóknum hafi fjölgað mikið með gríðarlegum kostnaðarauka fyrir ríkissjóð. En hann sneri upp á spurninguna og spurði hvort dómsmálaráðherra, Jón Gunnarsson, sem væri með tilbúið frumvarp, ætti ekki skilið svör frá þinginu sem væri stöðugt að finna nýja fleti á þessu máli? Sigmundur Davíð taldi Bjarna ekki hafa svarað spurningum sínum, hvort von sé á einhverju sem raunverulega getur haft áhrif á ástandið; „hvetur þingið bara til að afgreiða litla útþynnta útlendingafrumvarpið“. Sigmundur vatt þá kvæði sínu í kross, og sagði að Katrín Jakobsdóttir forsætisráðherra hafi tilkynnt um hátíðirnar að til stæði að skylda opinbera starfsmenn og kjörna fulltrúa á námskeið, einhvers konar „innrætingarnámskeið“. Sigmundur spurði Bjarna hvort hann og Sjálfstæðisflokkurinn ætluðu virkilega að styðja slíkt og þá stofnun sem ætti að fylgja slíku? „Er það ásættanlegt, að mati formanns Sjálfstæðisflokksins að á Íslandi, á 21. öld í frjálsyndu lýðræðisríki eins og það hefur jafnan verið talið, að yrðu innleidd skyldunámskeið um hugarfar og tjáningu fyrir ríkisstarfsmenn, opinbera starfsmenn almennt og stjórnmálamenn?“ spurði Sigmundur Davíð og ljóst að honum þykja þær fyrirætlanir fráleitar. Bjarni geldur varhug við slíku námskeiðahaldi „Það þarf enginn að velkjast í vafa um það að með þessu þingmáli sem er hér til afgreiðslu á Alþingi um málefni flóttafólks eða hælisleitenda, þeirra sem óska eftir alþjóðlegri vernd, að málinu verði lokið með þessu þingmáli. Þetta er stöðug vinna og ráðherrann verður áfram með vaktina yfir þann málaflokk. Til að skoða hvað fleira þarf að gera,“ svaraði Bjarni Sigmundi sem hafði lymskulega spurt hvort sitjandi ráðherra yrði til að fylgja því máli eftir? Með öðrum orðum dregur Bjarni ekki úr óvissu um hvort Guðrún Hafsteinsdóttir taki við ráðherrastóli Jóns í mars, eins og hún hefur sjálf sagt, eða ekki. Bjarni vék þá að seinni lið spurninga Sigmundar er varðar boðað hatursorðræðunámskeið Katrínar. „Ég hef skilið það þannig varðandi þá umræðu sem átt hefur sér stað um hatursorðræðu að það hafi verið einhver starfshópur sem gerði þetta að tillögu sinni og forsætisráðherra hyggist fleyta þeirri tillögu hingað inn á þingið,“ sagði Bjarni. Og hélt svo áfram: „Almennt séð verð ég að segja að ég geld mikinn varhug við því að skylda fólk til að fara á námskeið um einhverja tiltekna hluti. Og ætla að áskilja mér rétt til að skoða tillöguna þegar hún kemur fram, hvers vegna hún er komin fram og hversu líklegt er að hún kunni að koma að einhverju gagni yfir höfuð um þessi efni. En hana hef ég einfaldlega ekki séð ennþá.“ Alþingi Ríkisstjórn Katrínar Jakobsdóttur Innflytjendamál Tjáningarfrelsi Rekstur hins opinbera Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stefna íslenska ríkinu vegna andláts tveggja ára dóttur Innlent Skipsbrak varpar ljósi á harmleik undan Vestfjörðum fyrir 72 árum Innlent Annar umdeildur fáni hékk við annað hús dómara Erlent Hendrik Hermannsson bráðkvaddur Innlent Niðurskurður skerðir þjónustu og ógnar öryggi Innlent Hitafundur í Laugarnesskóla vegna skólauppbyggingar Innlent Árás á tólf ára stúlku fór betur en á horfðist Innlent Umtalsverðar breytingar á skipulagi Keflavíkurflugvallar Innlent Ráðherra sé að skapa ríkinu milljarðatjón með töfum Innlent Björn Þorláks segir Katrínu ekki virða sig viðlits Innlent Fleiri fréttir Niðurskurður skerðir þjónustu og ógnar öryggi Skipsbrak varpar ljósi á harmleik undan Vestfjörðum fyrir 72 árum Afhentu ráðherra 46 þúsund undirskriftir á eldislöxum Hitafundur í Laugarnesskóla vegna skólauppbyggingar Mættu ríðandi í skólann Stefna íslenska ríkinu vegna andláts tveggja ára dóttur Undir áhrifum og með eftirlíkingu af skotvopni Umtalsverðar breytingar á skipulagi Keflavíkurflugvallar Ráðherra sé að skapa ríkinu milljarðatjón með töfum Ákærður fyrir stunguárás á akbraut Árás á tólf ára stúlku fór betur en á horfðist Bjarni sagður lítillátur í samanburði við Keníuforseta Sleppt úr haldi lögreglu Draumórar að löggæsla muni ekki skerðast Segir fangaverði sinna starfi sínu af stakri trúmennsku Íslendingurinn á meðal þeirra sem slösuðust Sker úr um hvort sáðlát yfir andlit með valdi sé nauðgun Björn Þorláks segir Katrínu ekki virða sig viðlits Vilja upplýsingar frá Strætó vegna framkomu í garð barna Beint streymi: Kynferðisofbeldi og önnur áföll á Íslandi Kona sem sendi nektarmyndir í bræði fær grænt ljós Telja að Quang gæti spillt rannsókninni gangi hann laus Hendrik Hermannsson bráðkvaddur Fangi segir fangelsin „mislélegar kjötgeymslur“ AGS vill skattahækkanir og Norðmenn viðurkenna Palestínu Æsandi bíltúr norður í land Enn frestast utankjörfundaratkvæðagreiðslan Þjóðin klofin hvað varðar hvalveiðar Aþena Sif dæmd fyrir stórfellda líkamsárás með Butterfly-hnífi Yngstu börnin um 14 til 15 mánaða við innritun í haust Sjá meira
Sigmundur Davíð Gunnlaugsson, formaður Miðflokksins, hefur lýst yfir miklum efasemdum um tillögu sem Katrín hefur boðað og felur í sér það að opinberir starfsmenn sitji skyldunámskeið þar sem fjallað verður um hatursorðræðu sem Katrín segir að hafi færst mjög í aukana á Íslandi að undanförnu. Sigmundur Davíð vildi heyra hver afstaða Bjarna er til málsins og gekk á hann í fyrirspurnartíma á Alþingi nú fyrir stundu. Ætlar Bjarni virkilega að styðja innrætingarnámskeið? Sigmundur Davíð hafði áður spurt Bjarna hvort vænta mætti einhverra fullmótaðra hugmynda um hvernig taka ætti á hælisleitendamálum, og aðgerða í kjölfarið. Bjarni hafði sagt að vissulega væri um vandasaman málaflokk að ræða, umsóknum hafi fjölgað mikið með gríðarlegum kostnaðarauka fyrir ríkissjóð. En hann sneri upp á spurninguna og spurði hvort dómsmálaráðherra, Jón Gunnarsson, sem væri með tilbúið frumvarp, ætti ekki skilið svör frá þinginu sem væri stöðugt að finna nýja fleti á þessu máli? Sigmundur Davíð taldi Bjarna ekki hafa svarað spurningum sínum, hvort von sé á einhverju sem raunverulega getur haft áhrif á ástandið; „hvetur þingið bara til að afgreiða litla útþynnta útlendingafrumvarpið“. Sigmundur vatt þá kvæði sínu í kross, og sagði að Katrín Jakobsdóttir forsætisráðherra hafi tilkynnt um hátíðirnar að til stæði að skylda opinbera starfsmenn og kjörna fulltrúa á námskeið, einhvers konar „innrætingarnámskeið“. Sigmundur spurði Bjarna hvort hann og Sjálfstæðisflokkurinn ætluðu virkilega að styðja slíkt og þá stofnun sem ætti að fylgja slíku? „Er það ásættanlegt, að mati formanns Sjálfstæðisflokksins að á Íslandi, á 21. öld í frjálsyndu lýðræðisríki eins og það hefur jafnan verið talið, að yrðu innleidd skyldunámskeið um hugarfar og tjáningu fyrir ríkisstarfsmenn, opinbera starfsmenn almennt og stjórnmálamenn?“ spurði Sigmundur Davíð og ljóst að honum þykja þær fyrirætlanir fráleitar. Bjarni geldur varhug við slíku námskeiðahaldi „Það þarf enginn að velkjast í vafa um það að með þessu þingmáli sem er hér til afgreiðslu á Alþingi um málefni flóttafólks eða hælisleitenda, þeirra sem óska eftir alþjóðlegri vernd, að málinu verði lokið með þessu þingmáli. Þetta er stöðug vinna og ráðherrann verður áfram með vaktina yfir þann málaflokk. Til að skoða hvað fleira þarf að gera,“ svaraði Bjarni Sigmundi sem hafði lymskulega spurt hvort sitjandi ráðherra yrði til að fylgja því máli eftir? Með öðrum orðum dregur Bjarni ekki úr óvissu um hvort Guðrún Hafsteinsdóttir taki við ráðherrastóli Jóns í mars, eins og hún hefur sjálf sagt, eða ekki. Bjarni vék þá að seinni lið spurninga Sigmundar er varðar boðað hatursorðræðunámskeið Katrínar. „Ég hef skilið það þannig varðandi þá umræðu sem átt hefur sér stað um hatursorðræðu að það hafi verið einhver starfshópur sem gerði þetta að tillögu sinni og forsætisráðherra hyggist fleyta þeirri tillögu hingað inn á þingið,“ sagði Bjarni. Og hélt svo áfram: „Almennt séð verð ég að segja að ég geld mikinn varhug við því að skylda fólk til að fara á námskeið um einhverja tiltekna hluti. Og ætla að áskilja mér rétt til að skoða tillöguna þegar hún kemur fram, hvers vegna hún er komin fram og hversu líklegt er að hún kunni að koma að einhverju gagni yfir höfuð um þessi efni. En hana hef ég einfaldlega ekki séð ennþá.“
Alþingi Ríkisstjórn Katrínar Jakobsdóttur Innflytjendamál Tjáningarfrelsi Rekstur hins opinbera Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stefna íslenska ríkinu vegna andláts tveggja ára dóttur Innlent Skipsbrak varpar ljósi á harmleik undan Vestfjörðum fyrir 72 árum Innlent Annar umdeildur fáni hékk við annað hús dómara Erlent Hendrik Hermannsson bráðkvaddur Innlent Niðurskurður skerðir þjónustu og ógnar öryggi Innlent Hitafundur í Laugarnesskóla vegna skólauppbyggingar Innlent Árás á tólf ára stúlku fór betur en á horfðist Innlent Umtalsverðar breytingar á skipulagi Keflavíkurflugvallar Innlent Ráðherra sé að skapa ríkinu milljarðatjón með töfum Innlent Björn Þorláks segir Katrínu ekki virða sig viðlits Innlent Fleiri fréttir Niðurskurður skerðir þjónustu og ógnar öryggi Skipsbrak varpar ljósi á harmleik undan Vestfjörðum fyrir 72 árum Afhentu ráðherra 46 þúsund undirskriftir á eldislöxum Hitafundur í Laugarnesskóla vegna skólauppbyggingar Mættu ríðandi í skólann Stefna íslenska ríkinu vegna andláts tveggja ára dóttur Undir áhrifum og með eftirlíkingu af skotvopni Umtalsverðar breytingar á skipulagi Keflavíkurflugvallar Ráðherra sé að skapa ríkinu milljarðatjón með töfum Ákærður fyrir stunguárás á akbraut Árás á tólf ára stúlku fór betur en á horfðist Bjarni sagður lítillátur í samanburði við Keníuforseta Sleppt úr haldi lögreglu Draumórar að löggæsla muni ekki skerðast Segir fangaverði sinna starfi sínu af stakri trúmennsku Íslendingurinn á meðal þeirra sem slösuðust Sker úr um hvort sáðlát yfir andlit með valdi sé nauðgun Björn Þorláks segir Katrínu ekki virða sig viðlits Vilja upplýsingar frá Strætó vegna framkomu í garð barna Beint streymi: Kynferðisofbeldi og önnur áföll á Íslandi Kona sem sendi nektarmyndir í bræði fær grænt ljós Telja að Quang gæti spillt rannsókninni gangi hann laus Hendrik Hermannsson bráðkvaddur Fangi segir fangelsin „mislélegar kjötgeymslur“ AGS vill skattahækkanir og Norðmenn viðurkenna Palestínu Æsandi bíltúr norður í land Enn frestast utankjörfundaratkvæðagreiðslan Þjóðin klofin hvað varðar hvalveiðar Aþena Sif dæmd fyrir stórfellda líkamsárás með Butterfly-hnífi Yngstu börnin um 14 til 15 mánaða við innritun í haust Sjá meira