Stærsti áfanginn sem er í boði á Íslandi Sindri Sverrisson skrifar 19. janúar 2023 08:01 Pavel Ermolinskij þekkir það betur en flestir að vinna titla. Hér smellir hann kossi á bikarinn eftir að langri eyðimerkurgöngu Vals lauk í fyrra. VÍSIR/BÁRA Pavel Ermolinskij segist alltaf hafa litið á Tindastól sem sinn helsta andstæðing á körfuboltavellinum, á sama tíma og hann hafi borið ómælda virðingu fyrir liðinu. Nú er hann fluttur í Skagafjörð og orðinn þjálfari í Síkinu þar sem alla dreymir um eitt og aðeins eitt; fyrsta Íslandsmeistaratitilinn. Það takmark er hið stærsta sem í boði er í íslensku íþróttalífi að mati Pavels. Það hefur eflaust komið mörgum á óvart að Pavel skyldi vera sá sem Tindastóll leitaði til, þegar félagið losaði sig við Vladimir Anzulovic sem ráðinn hafði verið fyrir tímabilið. Það átti sér þó sinn aðdraganda því Tindastóll var eina félagið sem Pavel ræddi af alvöru við síðasta sumar eftir að hafa sagt skilið við Val, sem hann vann enn einn Íslandsmeistaratitil sinn með eftir frábært úrslitaeinvígi gegn Tindastóli. En stóð þá til síðasta sumar að hann færi til Tindastóls sem leikmaður eða þjálfari? „Ég er ekki alveg viss um hvað ég var að bjóða þeim,“ segir Pavel léttur. „Einhvers konar nærveru. En það var kannski ekki mikil alvara á bakvið það. Það var þó eina alvöru samtalið sem ég vildi taka síðasta sumar, tengt körfubolta,“ segir Pavel. „Eina verkefnið sem gat fengið mig til að hugsa um körfubolta aftur“ Það er sem sagt eitthvað alveg sérstakt við Tindastól sem kveikti áhuga Pavels, en ekki þó þannig að hann ætli sér að spila fyrir félagið. Skórnir verða í hillunni eftir að hafa farið þangað síðasta sumar. Pavel hefur oft verið lýst sem þjálfara inni í leikmanni, en nú ætlar hann aðeins að þjálfa og ekkert að spila: „Nei. Ekki neitt. Það eru hvorki not fyrir mig hérna né get ég boðið upp á neitt gott lengur. Það er nóg af leikmönnum hérna. Þessi hugsun myndi örugglega hafa poppað upp hjá mér ef ég teldi þörf á því en það er hreinlega alls engin þörf á því,“ segir Pavel og honum hefur liðið vel síðustu mánuði eftir að einstökum leikmannaferli lauk: „Yndislega. Mér leið mjög vel án körfubolta og það var ákveðnum kílóafjölda létt af öxlunum með því að aftengjast. Þetta getur verið þreytandi fyrir mig og tekið mikinn toll. Og eins og ég sagði við þá [Tindastólsmenn] þá var þetta eina verkefnið sem gat fengið mig til að hugsa um körfubolta aftur. Eina verkefnið sem gat fengið þá athygli sem ég vil setja í þetta og myndi kveikja í mér til að nálgast þetta eins og ég er vanur að nálgast körfubolta.“ Hvers vegna er það? Langstærsti áfanginn í öllum liðsíþróttum á Íslandi „Tindastóll hefur verið andstæðingur minn númer eitt í gegnum tíðina. Andstæðingur sem ég bar alltaf rosalega virðingu fyrir og aldrei neinn kala til. Ég hef borið virðingu fyrir þeirra gildum, hvernig þeir spila og hvernig þeir koma fram. Það er eitthvað sem ég tengi við sjálfur. Mér hefur alltaf fundist eins og að ég myndi pluma mig mjög vel í þessu umhverfi og mig langaði að prófa það. Ég náði því ekki sem leikmaður en hérna er allt eins og ég hélt að þetta væri Hitt málið er svo það, ef við tölum hreint út, að ef horft er yfir allar liðsíþróttir á Íslandi þá er þetta langstærsti áfanginn sem er í boði. Sama hvort horft er til körfubolta, handbolta eða fótbolta. Íslandsmeistaratitill fyrir Tindastól er það stærsta sem er í boði, og ég vil vera með í því,“ segir Pavel. Pavel Ermolinskij átti í harðri baráttu við leikmenn Tindastóls um Íslandsmeistaratitilinn síðasta vor en nú eru þeir orðnir lærisveinar hans.VÍSIR/BÁRA Ætlar ekki að óttast um starfið Stór orð, en allir sáu síðasta vor hve löngunin í Íslandsmeistaratitil er mikil hjá Skagfirðingum. Þess vegna eru líka miklar kröfur gerðar til þjálfara Tindastóls og meðallíftími þeirra í starfi er ekki langur: „Ég er pollrólegur yfir því, enda kem ég hingað inn af fullu æðruleysi. Ég er ekki að koma hingað inn sem einhver þjálfari sem ætlar að óttast um starfið sitt. Ég er ekki þar. Ég er kominn hingað með ákveðna sýn og ég ætla að reyna að vinna þennan titil, og ef ekki þá ekki. Auðvitað eru hér kröfur. Þetta er gott lið og körfuboltasamfélag, sem vill hafa gaman og upplifa góða hluti. Það á að vera þannig,“ segir Pavel. Pavel tekur við Tindastóli í 7. sæti svo miðað við það virðist Íslandsmeistaratitill langt undan á þessari leiktíð. Á hann er samt stefnt. Pavel segir menn ekki eiga að bogna undan pressu heldur njóta þess að hafa það tækifæri að geta orðið fyrstir í sögunni til að fagna Íslandsmeistaratitli í búningi Tindastóls. „Átti sig á því hvers lags ódauðleiki er í boði“ „Pressan sem við eigum að setja á okkur er ekki sú að vinna titil. Þetta virkar ekki þannig. Þú getur sett þig í þá aðstöðu, og það er takmarkið okkar, að vera eitt af þessum liðum sem eru með í þessum barningi, en svo bara gerist eitthvað. Pressan sem við þurfum að setja á okkur er að vita hvað er í boði. Hver upplifunin hérna verður af því að vinna, fyrir okkur alla sem erum hérna í kjarnanum á þessu. Pressan er sú að missa ekki af því. Að menn átti sig á því hvers lags ódauðleiki er í boði fyrir þá. Ekki pressan um að vinna alla leiki og titla. Það er leiðinleg og erfið pressa, og ég þekki hana,“ segir Pavel sem vann sjö Íslandsmeistaratitla með KR og svo einn með Val. Pavel Ermolinskij varð sjö sinnum Íslandsmeistari með KR. Hann segist alltaf hafa litið á Tindastól sem andstæðing númer eitt.VÍSIR/DANÍEL „Ekki önnur útgáfa af Pavel að fara að mæta“ Fyrsti leikur Tindastóls undir stjórn Pavels er í kvöld þegar liðið sækir ÍR heim. Fyrsti heimaleikurinn er svo gegn Njarðvík eftir viku. „Ég er spenntur fyrir því að komast, í hvaða formi sem er, aftur út á körfuboltavöll. Það er eitthvað sem að ég hélt að myndi ekki gerast aftur og ég er smávægilega spenntur og kvíðinn fyrir því að stíga aftur inn í þetta. En ég er bara að fara að nálgast þetta eins og ég hef alltaf gert. Ég er ekki að fara að gera mikið nýtt hérna. Ég er ekki hérna til að finna sjálfan mig sem einhvern súperþjálfara. Það er ekki önnur útgáfa af Pavel að fara að mæta hérna,“ segir Pavel og bætir við: „Ég er að fara að gera það sem ég hef gert lengi – að leiða lið. Þú getur kallað það þjálfara eða leiðtoga eða hvað sem er. Ég sagði við leikmennina að koma fram við mig eins og meiddan leikmann. Ég er leiðtogi í þessu liði, bara með aðeins meira „autoritet“ en ég hef áður haft. En ég hef ennþá sömu rödd og sömu nærveru í klefanum og ég hef lengi haft. Breytingin fyrir mig er og verður held ég minni en margir áætla.“ Pavel Ermolinskij á að baki afar farsælan leikmannaferil og fór tvisvar með Íslandi í lokakeppni EM. Nú er hann orðinn þjálfari.VÍSIR/BÁRA „Tók okkur bara einn dag að ná úr okkur einhverjum skrýtileika“ Þó að aðeins átta mánuðir séu síðan að Pavel átti drjúgan þátt í því að svipta Tindastól von um að vinna Íslandsmeistaratitilinn síðasta vor, klæddur Valsbúningnum, hefur honum alls staðar verið vel tekið í Skagafirði: „Viðtökurnar í samfélaginu hafa verið vonum framar, og vonirnar voru samt miklar. Ég átti von á því að koma hingað inn í samrýmt körfuboltasamfélag og fá góðar viðtökur en þær hafa verið framar þeim vonum. Það hefur verið æðislegt að finna fyrir þessari spennu, hlýju og vilja frá öllum þessa nokkru daga sem ég hef verið hérna. Innan liðsins er þetta svo ekkert vandamál. Ég passaði líka upp á það áður en ég kom að þetta væri ekki hollt fyrir neinn ef það væru einhverjar efasemdir um þetta hjá einhverjum. Það var auðvitað ekki þannig. Það tók okkur bara einn dag að ná úr okkur einhverjum skrýtileika með að ég sé núna hérna sem einhver þjálfari. Frá mínu sjónarhorni er þetta strax orðið mjög eðlilegt. Flestir hérna þekkja mig og eins og ég ætlaði, og kom í ljós, eru hérna toppmenn og góðir karakterar. Þetta hefur því verið tiltölulega auðvelt og þægilegt breytingaferli,“ segir Pavel. Hann skrifaði undir samning við Tindastól sem gildir út leiktíðina og eftir það kemur svo í ljós hvað tekur við hjá honum og hans fjölskyldu. „Fjölskyldan er að koma og fara svolítið, alla vega til að byrja með. Samningurinn er nákvæmlega eins og ég held að hann ætti að vera. Þetta eru þessir fjórir mánuðir og svo verður þetta endurskoðað. Það er bæði eitthvað sem ég vildi og eflaust eitthvað sem þeir vildu líka. Þetta er mál sem þarf dálítið að koma í ljós.“ Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 4.990 krónur á mánuði. Subway-deild karla Körfubolti Tindastóll Skagafjörður Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti UEFA setur pressu á City Football Group Fótbolti Man. United sagði konunum ekki frá ákvörðuninni Enski boltinn Blaðamannafundur fyrir úrslitaleik Vals í Evrópubikarnum Handbolti Þriðji markahæsti landsliðsmaðurinn leggur skóna á hilluna Fótbolti Neitaði að svara spurningum um skilnaðinn Sport Einbeitir sér að því að komast í NBA frekar en að spila með pabba sínum Körfubolti Fleiri fréttir Í beinni: Keflavík - Njarðvík | Leikur eitt í baráttunni um titilinn Besti Belginn í Subway deildinni samdi við Hauka Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Sjá meira
Það hefur eflaust komið mörgum á óvart að Pavel skyldi vera sá sem Tindastóll leitaði til, þegar félagið losaði sig við Vladimir Anzulovic sem ráðinn hafði verið fyrir tímabilið. Það átti sér þó sinn aðdraganda því Tindastóll var eina félagið sem Pavel ræddi af alvöru við síðasta sumar eftir að hafa sagt skilið við Val, sem hann vann enn einn Íslandsmeistaratitil sinn með eftir frábært úrslitaeinvígi gegn Tindastóli. En stóð þá til síðasta sumar að hann færi til Tindastóls sem leikmaður eða þjálfari? „Ég er ekki alveg viss um hvað ég var að bjóða þeim,“ segir Pavel léttur. „Einhvers konar nærveru. En það var kannski ekki mikil alvara á bakvið það. Það var þó eina alvöru samtalið sem ég vildi taka síðasta sumar, tengt körfubolta,“ segir Pavel. „Eina verkefnið sem gat fengið mig til að hugsa um körfubolta aftur“ Það er sem sagt eitthvað alveg sérstakt við Tindastól sem kveikti áhuga Pavels, en ekki þó þannig að hann ætli sér að spila fyrir félagið. Skórnir verða í hillunni eftir að hafa farið þangað síðasta sumar. Pavel hefur oft verið lýst sem þjálfara inni í leikmanni, en nú ætlar hann aðeins að þjálfa og ekkert að spila: „Nei. Ekki neitt. Það eru hvorki not fyrir mig hérna né get ég boðið upp á neitt gott lengur. Það er nóg af leikmönnum hérna. Þessi hugsun myndi örugglega hafa poppað upp hjá mér ef ég teldi þörf á því en það er hreinlega alls engin þörf á því,“ segir Pavel og honum hefur liðið vel síðustu mánuði eftir að einstökum leikmannaferli lauk: „Yndislega. Mér leið mjög vel án körfubolta og það var ákveðnum kílóafjölda létt af öxlunum með því að aftengjast. Þetta getur verið þreytandi fyrir mig og tekið mikinn toll. Og eins og ég sagði við þá [Tindastólsmenn] þá var þetta eina verkefnið sem gat fengið mig til að hugsa um körfubolta aftur. Eina verkefnið sem gat fengið þá athygli sem ég vil setja í þetta og myndi kveikja í mér til að nálgast þetta eins og ég er vanur að nálgast körfubolta.“ Hvers vegna er það? Langstærsti áfanginn í öllum liðsíþróttum á Íslandi „Tindastóll hefur verið andstæðingur minn númer eitt í gegnum tíðina. Andstæðingur sem ég bar alltaf rosalega virðingu fyrir og aldrei neinn kala til. Ég hef borið virðingu fyrir þeirra gildum, hvernig þeir spila og hvernig þeir koma fram. Það er eitthvað sem ég tengi við sjálfur. Mér hefur alltaf fundist eins og að ég myndi pluma mig mjög vel í þessu umhverfi og mig langaði að prófa það. Ég náði því ekki sem leikmaður en hérna er allt eins og ég hélt að þetta væri Hitt málið er svo það, ef við tölum hreint út, að ef horft er yfir allar liðsíþróttir á Íslandi þá er þetta langstærsti áfanginn sem er í boði. Sama hvort horft er til körfubolta, handbolta eða fótbolta. Íslandsmeistaratitill fyrir Tindastól er það stærsta sem er í boði, og ég vil vera með í því,“ segir Pavel. Pavel Ermolinskij átti í harðri baráttu við leikmenn Tindastóls um Íslandsmeistaratitilinn síðasta vor en nú eru þeir orðnir lærisveinar hans.VÍSIR/BÁRA Ætlar ekki að óttast um starfið Stór orð, en allir sáu síðasta vor hve löngunin í Íslandsmeistaratitil er mikil hjá Skagfirðingum. Þess vegna eru líka miklar kröfur gerðar til þjálfara Tindastóls og meðallíftími þeirra í starfi er ekki langur: „Ég er pollrólegur yfir því, enda kem ég hingað inn af fullu æðruleysi. Ég er ekki að koma hingað inn sem einhver þjálfari sem ætlar að óttast um starfið sitt. Ég er ekki þar. Ég er kominn hingað með ákveðna sýn og ég ætla að reyna að vinna þennan titil, og ef ekki þá ekki. Auðvitað eru hér kröfur. Þetta er gott lið og körfuboltasamfélag, sem vill hafa gaman og upplifa góða hluti. Það á að vera þannig,“ segir Pavel. Pavel tekur við Tindastóli í 7. sæti svo miðað við það virðist Íslandsmeistaratitill langt undan á þessari leiktíð. Á hann er samt stefnt. Pavel segir menn ekki eiga að bogna undan pressu heldur njóta þess að hafa það tækifæri að geta orðið fyrstir í sögunni til að fagna Íslandsmeistaratitli í búningi Tindastóls. „Átti sig á því hvers lags ódauðleiki er í boði“ „Pressan sem við eigum að setja á okkur er ekki sú að vinna titil. Þetta virkar ekki þannig. Þú getur sett þig í þá aðstöðu, og það er takmarkið okkar, að vera eitt af þessum liðum sem eru með í þessum barningi, en svo bara gerist eitthvað. Pressan sem við þurfum að setja á okkur er að vita hvað er í boði. Hver upplifunin hérna verður af því að vinna, fyrir okkur alla sem erum hérna í kjarnanum á þessu. Pressan er sú að missa ekki af því. Að menn átti sig á því hvers lags ódauðleiki er í boði fyrir þá. Ekki pressan um að vinna alla leiki og titla. Það er leiðinleg og erfið pressa, og ég þekki hana,“ segir Pavel sem vann sjö Íslandsmeistaratitla með KR og svo einn með Val. Pavel Ermolinskij varð sjö sinnum Íslandsmeistari með KR. Hann segist alltaf hafa litið á Tindastól sem andstæðing númer eitt.VÍSIR/DANÍEL „Ekki önnur útgáfa af Pavel að fara að mæta“ Fyrsti leikur Tindastóls undir stjórn Pavels er í kvöld þegar liðið sækir ÍR heim. Fyrsti heimaleikurinn er svo gegn Njarðvík eftir viku. „Ég er spenntur fyrir því að komast, í hvaða formi sem er, aftur út á körfuboltavöll. Það er eitthvað sem að ég hélt að myndi ekki gerast aftur og ég er smávægilega spenntur og kvíðinn fyrir því að stíga aftur inn í þetta. En ég er bara að fara að nálgast þetta eins og ég hef alltaf gert. Ég er ekki að fara að gera mikið nýtt hérna. Ég er ekki hérna til að finna sjálfan mig sem einhvern súperþjálfara. Það er ekki önnur útgáfa af Pavel að fara að mæta hérna,“ segir Pavel og bætir við: „Ég er að fara að gera það sem ég hef gert lengi – að leiða lið. Þú getur kallað það þjálfara eða leiðtoga eða hvað sem er. Ég sagði við leikmennina að koma fram við mig eins og meiddan leikmann. Ég er leiðtogi í þessu liði, bara með aðeins meira „autoritet“ en ég hef áður haft. En ég hef ennþá sömu rödd og sömu nærveru í klefanum og ég hef lengi haft. Breytingin fyrir mig er og verður held ég minni en margir áætla.“ Pavel Ermolinskij á að baki afar farsælan leikmannaferil og fór tvisvar með Íslandi í lokakeppni EM. Nú er hann orðinn þjálfari.VÍSIR/BÁRA „Tók okkur bara einn dag að ná úr okkur einhverjum skrýtileika“ Þó að aðeins átta mánuðir séu síðan að Pavel átti drjúgan þátt í því að svipta Tindastól von um að vinna Íslandsmeistaratitilinn síðasta vor, klæddur Valsbúningnum, hefur honum alls staðar verið vel tekið í Skagafirði: „Viðtökurnar í samfélaginu hafa verið vonum framar, og vonirnar voru samt miklar. Ég átti von á því að koma hingað inn í samrýmt körfuboltasamfélag og fá góðar viðtökur en þær hafa verið framar þeim vonum. Það hefur verið æðislegt að finna fyrir þessari spennu, hlýju og vilja frá öllum þessa nokkru daga sem ég hef verið hérna. Innan liðsins er þetta svo ekkert vandamál. Ég passaði líka upp á það áður en ég kom að þetta væri ekki hollt fyrir neinn ef það væru einhverjar efasemdir um þetta hjá einhverjum. Það var auðvitað ekki þannig. Það tók okkur bara einn dag að ná úr okkur einhverjum skrýtileika með að ég sé núna hérna sem einhver þjálfari. Frá mínu sjónarhorni er þetta strax orðið mjög eðlilegt. Flestir hérna þekkja mig og eins og ég ætlaði, og kom í ljós, eru hérna toppmenn og góðir karakterar. Þetta hefur því verið tiltölulega auðvelt og þægilegt breytingaferli,“ segir Pavel. Hann skrifaði undir samning við Tindastól sem gildir út leiktíðina og eftir það kemur svo í ljós hvað tekur við hjá honum og hans fjölskyldu. „Fjölskyldan er að koma og fara svolítið, alla vega til að byrja með. Samningurinn er nákvæmlega eins og ég held að hann ætti að vera. Þetta eru þessir fjórir mánuðir og svo verður þetta endurskoðað. Það er bæði eitthvað sem ég vildi og eflaust eitthvað sem þeir vildu líka. Þetta er mál sem þarf dálítið að koma í ljós.“ Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 4.990 krónur á mánuði.
Subway-deildirnar í körfubolta eru á Stöð 2 Sport en upplýsingar um útsendingar má finna hér. Subway-deildin er hluti af Stöð 2 Sport Ísland sem kostar 4.990 krónur á mánuði.
Subway-deild karla Körfubolti Tindastóll Skagafjörður Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti UEFA setur pressu á City Football Group Fótbolti Man. United sagði konunum ekki frá ákvörðuninni Enski boltinn Blaðamannafundur fyrir úrslitaleik Vals í Evrópubikarnum Handbolti Þriðji markahæsti landsliðsmaðurinn leggur skóna á hilluna Fótbolti Neitaði að svara spurningum um skilnaðinn Sport Einbeitir sér að því að komast í NBA frekar en að spila með pabba sínum Körfubolti Fleiri fréttir Í beinni: Keflavík - Njarðvík | Leikur eitt í baráttunni um titilinn Besti Belginn í Subway deildinni samdi við Hauka Hafa aðeins meiri trú á Keflavík en Njarðvík í úrslitaeinvíginu Feðgar þjálfa Breiðablik: „Gott fyrir okkur báða að vera saman“ Doncic rankaði við sér og Dallas einum sigri frá úrslitum Vestursins Einbeitir sér að því að komast í NBA frekar en að spila með pabba sínum Birna með slitið krossband og missir af úrslitaeinvíginu Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Sjá meira
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik
Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins