Innlent

Handteknir með skotvopn á hóteli

Ólafur Björn Sverrisson skrifar
Lögregla naut aðstoðar sérsveitar ríkislögreglustjóra.
Lögregla naut aðstoðar sérsveitar ríkislögreglustjóra. vísir/vilhelm

Þrír menn voru handteknir á hóteli í miðborginni með skotvopn, skotfæri og fíkniefni í fórum sínum föstudagskvöld 13. janúar.

Þetta kemur fram í tilkynningu frá lögreglunni á höfuðborgarsvæðinu. Þar segir að lögregla hafi notið aðstoðar sérsveitar Ríkislögreglustjóra við aðgerðirnar sem áttu sér stað klukkan 19:36 í gærkvöldi. Voru mennirnir vistaðir í fangaklefa í þágu rannsóknar málsins.

 Að öðru leyti virðist nóttin hafa farið nokkuð friðsamlega fram. Tilkynnt var um ungmenni sem höfðu unnið eignarspjöll á grunnskóla í austurborginni með flugeldum. Þá voru nokkrir skemmtistaðir kærðir þar sem dyraverðir reyndust starfa án tilskilinna réttinda.

Tilkynnt var um innbrot í Breiðholti þar sem meintur gerandi var farinn af vettvangi þegar lögregla mætti á svæðið. Tveir voru handteknir vegna aksturs undir áhrifum áfengis og fíkniefna og annar reyndist sviptur ökuréttindum.

Lögreglumál Reykjavík Skotvopn Fíkniefnabrot
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið