„Að rústa þér andlega og líkamlega er það eina sem ég mun einbeita mér að“ Auður Ösp Guðmundsdóttir skrifar 2. janúar 2023 21:09 Hinir kærðu eru feðgar og samkvæmt frásögn brotaþolanum í málinu er áreitið og ofbeldið tilkomið vegna meintra ásakana um kynferðisbrot brotaþola í garð fjölskyldumeðlims. Vísir/Vilhelm Landsréttur hefur staðfest úrskurð Héraðsdóms Reykjavíkur um nálgunarbann á hendur manni sem ítrekað hefur haft uppi grófar hótanir, þar á meðal líflátshótanir, í garð annars manns og fjölskyldu hans. Héraðsdómur Reykjavíkur úrskurðaði annan mann í nálgunarbann vegna málsins og er sá hinn sami grunaður um að hafa ráðist á brotaþolann í október síðastliðnum. Landsréttur felldi þann úrskurð hins vegar úr gildi. Hinir kærðu eru feðgar og samkvæmt frásögn brotaþolans í málinu er áreitið og ofbeldið tilkomið vegna meintra ásakana um kynferðisbrot brotaþola í garð fjölskyldumeðlims. „Mundu að ég á ekki erfitt með að sitja í fangelsi“ Í skilaboðum sem hinn ákærði sendi á brotaþolann þann 27. ágúst síðastliðinn segir meðal annars: „Ef ég næ þér einn daginn þá pynta ég þig þangað til þú ert dauður. Og það sama mun ganga yfir foreldra þína. Farðu með þetta í lögguna, mér er skítsama. Að rústa þér andlega og líkamlega er það eina sem ég mun einbeita mér að það sem eftir er. Mundu að ég á ekki erfitt með að sitja í fangelsi.“ Þá kemur meðal annars fram í lögregluskýrslu að þann 11. október síðastliðinn hafi maðurinn hótað því nokkrum sinnum að ef hann myndi rekast á brotaþolann þá myndi hann „drepa hann eða einhvern nákominn honum.“ Í skýrslutöku hjá lögreglu þann 5. desember síðastliðinn sagði hinn ákærði að hann hefði engan áhuga á að pynta brotaþolann líkamlega heldur „eyðileggja hann andlega“ enda væri það miklu verra að eyðileggja hann andlega en líkamlega þar sem „allt líkamlegt grær og hann jafnar sig.“ Þá hefur faðir brotaþola gefið skýrslu og greint frá hótunum af hendi hins ákærða í sinn garð og sonar síns og lagt fram því til staðfestingar skilaboð sem innihalda hótanir. Skilaboðin eru send á tímabilinu frá 6. febrúar 2021 til 27. ágúst 2022 og hefur hinn ákærði viðurkennt við yfirheyrslur að hafa sent skilaboðin. Þann 11. október síðastliðinn var ráðist á brotaþolann í málinu og er hinn meðákærði í málinu grunaður um að hafa verið þar að verki ásamt öðrum manni. Vitni voru að árásinni, meðal annars lögreglumaður sem stöðvaði kærða og samverkamann hans umrætt sinn og voru þeir handteknir í kjölfarið. Grunur er um að gerendurnir hafi meðal annars sparkað endurtekið í höfuð brotaþolans. Fyrir liggur áverkavottorð sem staðfestir áverka á brotaþola eftir árásina. Báðir úrskurðaðir í nálgunarbann Þann 9. desember síðastliðinn tók lögreglustjóri þá ákvörðun að feðgarnir skyldu báðir sæta nálgunarbanni í sex mánuði. Þann 20. desember síðastliðinn staðfesti Héraðsdómur Reykjavíkur ákvörðun ríkislögreglustjóra hvað báða mennina varðar. Feðgarnir skutu báðir úrskurði héraðsdóms til Landsréttar og kröfðust þess að úrskurðurinn yrði felldur úr gildi en til vara að nálgunarbanni verði markaður skemmri tími. Landsréttur tók málið fyrir síðastliðinn föstudag. Í úrskurði Landsréttar í máli hins ákærða segir að með hliðsjón af gögnum málsins og með sérstakri hliðsjón af því sem að framan er rakið verði fallist á með héraðsdómi að fullnægt sé skilyrðum laga fyrir beitingu nálgunarbanns. Í máli hins meðákærða kemur hins vegar fram að maðurinn sé undir rökstuddum grun um að hafa 11. október 2022 framið refsivert brot gegn brotaþolanum en andstætt því sem ráða má af forsendum hins kærða úrskurðar liggi ekkert annað fyrir sem rennt getur stoðum undir það að manninum verði gert að sæta nálgunarbanni. Samkvæmt þessu telst ekki hafa verið sýnt fram á að fullnægt sé skilyrðum laga fyrir beitingu nálgunarbanns. Dómsmál Reykjavík Stafrænt ofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent Vann fimmtíu milljónir króna Innlent „Heill vinnustaður er dreginn sundur og saman í háði“ Innlent „Við lögleiðum heróínið en bönnum áfengið. Þetta er galið“ Innlent Tvö innbrot á heimili og líkamsárás með kylfu og piparúða Innlent Vill bjóða NATO að byggja nýjan flugvöll í Færeyjum Erlent Forsetavaktin 2024: Hver verður sjöundi forseti lýðveldisins? Innlent Framámaður AfD sektaður fyrir að nota slagorð nasista Erlent Álftin breyttist í dreka og rak hundinn upp úr með látum Innlent Fleiri fréttir Tvö innbrot á heimili og líkamsárás með kylfu og piparúða Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Sjá meira
Héraðsdómur Reykjavíkur úrskurðaði annan mann í nálgunarbann vegna málsins og er sá hinn sami grunaður um að hafa ráðist á brotaþolann í október síðastliðnum. Landsréttur felldi þann úrskurð hins vegar úr gildi. Hinir kærðu eru feðgar og samkvæmt frásögn brotaþolans í málinu er áreitið og ofbeldið tilkomið vegna meintra ásakana um kynferðisbrot brotaþola í garð fjölskyldumeðlims. „Mundu að ég á ekki erfitt með að sitja í fangelsi“ Í skilaboðum sem hinn ákærði sendi á brotaþolann þann 27. ágúst síðastliðinn segir meðal annars: „Ef ég næ þér einn daginn þá pynta ég þig þangað til þú ert dauður. Og það sama mun ganga yfir foreldra þína. Farðu með þetta í lögguna, mér er skítsama. Að rústa þér andlega og líkamlega er það eina sem ég mun einbeita mér að það sem eftir er. Mundu að ég á ekki erfitt með að sitja í fangelsi.“ Þá kemur meðal annars fram í lögregluskýrslu að þann 11. október síðastliðinn hafi maðurinn hótað því nokkrum sinnum að ef hann myndi rekast á brotaþolann þá myndi hann „drepa hann eða einhvern nákominn honum.“ Í skýrslutöku hjá lögreglu þann 5. desember síðastliðinn sagði hinn ákærði að hann hefði engan áhuga á að pynta brotaþolann líkamlega heldur „eyðileggja hann andlega“ enda væri það miklu verra að eyðileggja hann andlega en líkamlega þar sem „allt líkamlegt grær og hann jafnar sig.“ Þá hefur faðir brotaþola gefið skýrslu og greint frá hótunum af hendi hins ákærða í sinn garð og sonar síns og lagt fram því til staðfestingar skilaboð sem innihalda hótanir. Skilaboðin eru send á tímabilinu frá 6. febrúar 2021 til 27. ágúst 2022 og hefur hinn ákærði viðurkennt við yfirheyrslur að hafa sent skilaboðin. Þann 11. október síðastliðinn var ráðist á brotaþolann í málinu og er hinn meðákærði í málinu grunaður um að hafa verið þar að verki ásamt öðrum manni. Vitni voru að árásinni, meðal annars lögreglumaður sem stöðvaði kærða og samverkamann hans umrætt sinn og voru þeir handteknir í kjölfarið. Grunur er um að gerendurnir hafi meðal annars sparkað endurtekið í höfuð brotaþolans. Fyrir liggur áverkavottorð sem staðfestir áverka á brotaþola eftir árásina. Báðir úrskurðaðir í nálgunarbann Þann 9. desember síðastliðinn tók lögreglustjóri þá ákvörðun að feðgarnir skyldu báðir sæta nálgunarbanni í sex mánuði. Þann 20. desember síðastliðinn staðfesti Héraðsdómur Reykjavíkur ákvörðun ríkislögreglustjóra hvað báða mennina varðar. Feðgarnir skutu báðir úrskurði héraðsdóms til Landsréttar og kröfðust þess að úrskurðurinn yrði felldur úr gildi en til vara að nálgunarbanni verði markaður skemmri tími. Landsréttur tók málið fyrir síðastliðinn föstudag. Í úrskurði Landsréttar í máli hins ákærða segir að með hliðsjón af gögnum málsins og með sérstakri hliðsjón af því sem að framan er rakið verði fallist á með héraðsdómi að fullnægt sé skilyrðum laga fyrir beitingu nálgunarbanns. Í máli hins meðákærða kemur hins vegar fram að maðurinn sé undir rökstuddum grun um að hafa 11. október 2022 framið refsivert brot gegn brotaþolanum en andstætt því sem ráða má af forsendum hins kærða úrskurðar liggi ekkert annað fyrir sem rennt getur stoðum undir það að manninum verði gert að sæta nálgunarbanni. Samkvæmt þessu telst ekki hafa verið sýnt fram á að fullnægt sé skilyrðum laga fyrir beitingu nálgunarbanns.
Dómsmál Reykjavík Stafrænt ofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent Vann fimmtíu milljónir króna Innlent „Heill vinnustaður er dreginn sundur og saman í háði“ Innlent „Við lögleiðum heróínið en bönnum áfengið. Þetta er galið“ Innlent Tvö innbrot á heimili og líkamsárás með kylfu og piparúða Innlent Vill bjóða NATO að byggja nýjan flugvöll í Færeyjum Erlent Forsetavaktin 2024: Hver verður sjöundi forseti lýðveldisins? Innlent Framámaður AfD sektaður fyrir að nota slagorð nasista Erlent Álftin breyttist í dreka og rak hundinn upp úr með látum Innlent Fleiri fréttir Tvö innbrot á heimili og líkamsárás með kylfu og piparúða Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Sjá meira