Innlent

Á­rásar­þolinn endaði sjálfur í fanga­geymslu

Auður Ösp Guðmundsdóttir skrifar
Lögreglan hafði í nógu að snúast í gærkvöldi og nótt.
Lögreglan hafði í nógu að snúast í gærkvöldi og nótt. Vísir/Vilhelm

Um tvö leytið í nótt var óskað aðstoðar lögreglu vegna líkamsárásar í miðborginni. Árásaraðilinn var handtekinn á vettvangi, en þá reyndi árásarþolinn að frelsa hinn handtekna og var þá sjálfur handtekinn.

Þetta kemur fram í dagbók lögreglunnar á höfuðborgarsvæðinu. Fram kemur að árásaraðilinn og árásarþolinn hafi báðir verið vistaðir í fangageymslu.

Lögreglan á höfuðborgarsvæðinu hafði í nógu að snúast á gamlársnótt en alls voru 87 mál skráð. 

Alls bárust sex tilkynningar um líkamsárásir.

Einstaklingur var handtekinn vegna gruns um stórfellda líkamsárás í Hafnarfirði um hálf þrjú leytið í nótt. Einstaklingurinn er einnig grunaður um akstur undir áhrifum áfengis. Var hann vistaður í fangageymslu lögreglu.

Um hálf ellefu leytið í gærkvöldi var óskað aðstoðar lögreglu vegna brunaslyss í hverfi 210, en þar hafði aðili hlotið brunasár vegna útikertis. Sá var fluttur með sjúkrabíl á slysadeild Landspítalans til aðhlynningar.

Reykjavík Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið