Sport

Bætti U-18 ára aldursflokkamet 12 ára gömul

Hjörvar Ólafsson skrifar
Freyja Nótt Andradóttir á framtíðina fyrir sér. 
Freyja Nótt Andradóttir á framtíðina fyrir sér.  Mynd/FRÍ

Freyja Nótt Andradóttir, frjálsíþróttastelpa úr FH, bætti í dag aldursflokkamet í 60 metra hlaupi í U-18 ára flokki á móti sem fram fór í Kaplakrika. Það sem gerir afrek Freyju Nætur enn eftirtektarverðara en ella er að hún er einungis 12 ára gömul.

Hún kom í mark á tímanum 7,58 og bætti þar með U18 ára met Tiönu Óskar um eitt sekúndubrot.

Þessi árangur er sá sjöundi besti í 60 m hlaupi kvenna frá upphafi og deilir hún sætinu með Sunnu Gestsdóttir.

Irma Gunnarsdóttir, einnig úr FH, bætti Íslandsmetið í þrístökki kvenna innanhúss er hún stökk 13,13 metra. Metið var áður 12,83 metrar sem Sigríður Anna Guðjónsdóttir setti árið 1997 en hún á líka metið utanhúss sem er 13,18 metrar.

Frjálsar íþróttir

Mest lesið


Fleiri fréttir

Sjá meira


×

Mest lesið