Innlent

Fyrsti bráða­læknir landsins út­skrifaður

Margrét Björk Jónsdóttir skrifar
Rosemary Lea Jones útskrifaðist formlega úr sérnámi í bráðalækningum á Landspítala 2. desember 2022 og er fyrst til þess að ljúka þessu sérnámi.
Rosemary Lea Jones útskrifaðist formlega úr sérnámi í bráðalækningum á Landspítala 2. desember 2022 og er fyrst til þess að ljúka þessu sérnámi. Landspítalinn

Rosemary Lea Jones er sú fyrsta hér á landi sem lýkur námi í bráðalækningum. Hún útskrifaðist formlega úr sérnámi á Landspítalanum 2. desember.

Samkvæmt frétt á vef Landspítalans starfaði Rosemary sem hjúkrunarfræðingur á bráðamóttöku á Nýja-Sjálandi áður en hún hóf læknanám þar í landi. Hún hefur stundað sérnám í bráðalækningum á Landspítalanum frá árinu 2015.

Í fréttinni segir að bráðamóttaka Landspítalans hafi hlotið formlega viðurkenningu mats- og hæfisnefndar til að veita fullt sérnám í bráðalækningum. Námið tekur alls sex ár en kennslustjóri er Hjalti Már Björnsson. Fer námið fram í samvinnu við Sjúkrahúsið á Akureyri og byggir á marklýsingu og framvinduskráningarkerfi frá Royal College of Emergency Medicine í Bretlandi.

Rosemary Lea Jones er sem fyrr segir fyrst til að ljúka þessu skipulagða sérnámi í bráðalækningum á Landspítalanum. Hún starfar áfram á deildinni eftir útskriftina auk þess að vera læknir í þyrlusveit Landhelgisgæslunnar.

Landspítalinn Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið