Tónlist

„Jólin eru tíminn fyrir okkur að vera á einum stað og njóta“

Dóra Júlía Agnarsdóttir skrifar
Tónlistarkonan Laufey Lín dreifir jólaskapi með EP plötunni A Very Laufey Holiday.
Tónlistarkonan Laufey Lín dreifir jólaskapi með EP plötunni A Very Laufey Holiday. Vísir/Vilhelm

Tónlistarkonan Laufey er með sanni rísandi súperstjarna í hinum stóra tónlistarheimi og hefur haldið tónleika víðsvegar. Hérlendis hélt hún tvenna uppselda tónleika í Hörpu í lok október og kom fram á tónlistarhátíðinni Iceland Airwaves fyrir stútfullum sal í Fríkirkjunni á milli þess sem hún var í tónleikaferðalagi um Evrópu.

Laufey er nú komin í jólaskap en fyrr í mánuðinum sendi hún frá sér EP plötuna A Very Laufey Holiday. Á henni er að finna tvö lög, The Christmas Waltz og Love to Keep Me Warm. Blaðamaður náði tali af henni og fékk að heyra nánar frá verkefninu.

Barnakór í anda Charlie Brown

Laufey er þekkt fyrir einstakan djass hljóm sinn og með tónlist sinni færir hún gamla tónlistarstíla yfir í nútímann.

„Ég sótti helst innblástur frá gömlum djass jólalögum eftir Bing Crosby, Ella Fitzgerald og Hauk Morthens fyrir þetta lag,“ segir Laufey og bætir við: „Ég tók upp barnakór fyrir lagið og dró ég mikinn innblástur frá Charlie Brown Christmas fyrir það sound.“

Tími til að njóta samverunnar

Aðspurð hver sé hennar uppáhalds jólahefð segir Laufey það einfaldlega vera samveru með ástvinum. Eftir viðburðaríkt ár hlakkar hún til að njóta hátíðarinnar með þeim.

„Ég veit ekki hvort að það sé einhver ein ákveðin jólahefð hjá mér heldur bara að vera með fjölskyldunni. 

Ég bý í LA og tvíburasystir mín býr í London á meðan foreldrarnir mínir eru heima á Íslandi þannig að jólin eru tíminn fyrir okkur að vera á einum stað og njóta.“

Í spilaranum hér að neðan má hlusta á A Very Laufey Holiday:


Tengdar fréttir

Mynda­veisla: Hús­fyllir hjá 66°Norður á fyrsta kvöldi Airwa­ves

Verslun 66°Norður á Hafnartorgi fylltist þegar þar fóru fram off-venue tónleikar í tengslum við Iceland Airwaves tónlistarhátíðina. DJ Dóra Júlía þeytti skífum áður en tónlistarfólkið Laufey Lín Jónsdóttir og Kaktus Einarsson stigu á stokk.

Laufey Lín með eina vinsælustu plötu Bandaríkjanna

Tónlistarkonan og djass söngkonan Laufey Lín Jónsdóttir situr í tíunda sæti yfir vinsælustu nýju plöturnar á topplista Spotify í Bandaríkjunum. Platan heitir Everything I Know About Love og kom út 26. ágúst síðastliðinn.

Laufey Lin spilaði fyrir Jimmy Kimmel

Íslenska tónlistarkonan Laufey Lin Jónsdóttir flutti lagið sitt Like the Movies í spjallþætti Jimmy Kimmel í gærkvöldi.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.