Gular viðvaranir á sunnanverðu landinu

Atli Ísleifsson skrifar 22. nóvember 2022 10:01

Veðurstofan hefur gefið út gular viðvaranir á sunnanverðu landinu vegna norðaustan hvassviðris eða storms sem gengur yfir landið á morgun.

Viðvaranirnar ná yfir Suðurland, Suðausturland og Miðhálendið og taka gildi í fyrramálið og gilda fram á kvöld. Spáð er að vindur geti náð að 35 metrum á sekúndum í hviðum.

Suðurland, 23. nóvember milli 8 og 18. Norðaustan 15-23 m/s og hviður geta náð yfir 30 m/s við fjöll, einkum undir Eyjafjöllum. Varasamt fyrir ökutæki, sérílagi þau sem eru viðkvæm fyrir vindi.
Suðausturland, 23. nóvember milli 5 og 19. Norðaustan 15-25 m/s, hvassast við Öræfajökul og hviður geta náð yfir 30 m/s þar. Varasamt fyrir ökutæki, sérílagi þau sem eru viðkvæm fyrir vindi.
Miðhálendið, 23. nóvember milli 5 og 19. Norðaustan 15-25 m/s, hvassast sunnantil og snarpar vindhviður sem geta staðbundið náð yfir 30 m/s. Varasamt ferðaveður. Einnig él eða snjókoma á köflum með takmörkuðu skyggni.

Í tilkynningu frá Vegagerðinni segir að það gangi í norðaustanstorm undir Eyjafjöllum, í Öræfum og undir Hafnarfjalli seint í nótt og fyrramálið með hviðum um 35 metrum á sekúndu.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.