Innlent

Þrjár brasilískar konur fluttu inn 1,8 kíló af kókaíni

Bjarki Sigurðsson skrifar
Keflavíkurflugvöllur og Leifsstöð Fáir á ferli og flugvélum lagt vegna samkomubanns víða um heim vegna Covid-19
Keflavíkurflugvöllur og Leifsstöð Fáir á ferli og flugvélum lagt vegna samkomubanns víða um heim vegna Covid-19

Þrjár brasilískar konur hafa verið ákærðar af héraðssaksóknara fyrir stórfellt fíkniefnalagabrot. Konurnar eru grunaðar um að hafa flutt saman til landsins 1.785 grömm af kókaíni með flugi frá París. 

Konurnar komu allar saman með flugi frá París til Keflavíkurflugvallar þann 4. september síðastliðinn. Kókaínið sem þær fluttu inn var með 88 til 89 prósent styrkleika og ætlað til söludreifingar í ágóðaskyni. Kókaínið földu konurnar innvortis, samtals í 221 pakkningu. 

Konurnar þrjár eru í gæsluvarðhaldi og sitja inni í fangelsinu á Hólmsheiði Þær eru á aldrinum 25 ára til 37 ára. Krafist er þess að þær verði dæmdar til refsingar og greiði allan sakarkostnað. 

Keflavíkurflugvöllur Fíkniefnabrot Lögreglumál Smygl
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið