Bílar

Jay Leno með þriðja stigs bruna eftir vinnu við gufuknúinn fornbíl

Kristinn Ásgeir Gylfason skrifar
Jay Leno við hlið Aston Martin DB10.
Jay Leno við hlið Aston Martin DB10. Autoevolution

Jay Leno er mikill bílaáhugamaður og safnar bílum. Hann var að vinna við 115 ára gamlan gufuknúin bíl á laugardag og brenndist illa í andliti eftir að eldur kviknaði í bílskúr hans.

Bilunin sem Leno var að glíma við var stífla í eldsneytiskerfi bílsins. Hún brast og sprautaðist eldsneyti yfir andlit Leno. Á sama tíma komst neisti í vökvann sem kveikti í honum og brenndi grínistann. Að sögn Leno var Dave vinur hans viðstaddur og gat stokkið á hann og slökkt í honum.

Leno hefur sankað að sér um 180 bílum og 160 mótorhjólum. Á YouTube rás hans má sjá umfjöllun um fjöldann allan af þessum farartækjum. Hér má sjá níu ára gamalt myndband þar sem Leno sýnir umræddan gufuknúna bíl.

Fyrrum þáttastjórnandinn er með þriðja stigs bruna á andliti og gæti þurft á skinnágræðslu að halda. Heppnin var með Leno að því leyti að eldurinn komst ekki í augu hans né eyru. Hann var fluttur með sjúkrabíl á spítala þar sem hann mun vera í fimm til tíu daga.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.