Innlent

Spá stormi á Suð­austur­landi á morgun

Atli Ísleifsson skrifar
Búast má við mjög snörpum vindhviðum við fjöll staðbundið yfir 35 metra á sekúndu í Öræfum.
Búast má við mjög snörpum vindhviðum við fjöll staðbundið yfir 35 metra á sekúndu í Öræfum. Veðurstofan

Veðurstofan hefur gefið út gula veðurviðvörun vegna mikils hvassviðris sem mun skella á Suðausturland. 

Viðvörunin tekur gildi klukkan sex í fyrramálið og er í gildi til klukkan 16 á morgun. 

Spáð er norðaustan hvassviðri eða stormi, fimmtán til 25 metrum á sekúndu, þar sem hvassast verður í Öræfum. 

„Búast má við mjög snörpum vindhviðum við fjöll staðbundið yfir 35 m/s í Öræfum, sem geta verið hættulegar fyrir vegfarendur með aftanívagna eða á ökutækjum sem taka á sig mikinn vind. Búast má við samgöngutruflunum og sandfoki,“ segir á vef Veðurstofunnar.

Veður Skaftárhreppur Sveitarfélagið Hornafjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið