Innlent

Sendu tvær þyrlur eftir sprengingu um borð í flutningaskipi

Samúel Karl Ólason skrifar
Flutningaskipið er um 25 sjómílur suðaustur af Grindavík.
Flutningaskipið er um 25 sjómílur suðaustur af Grindavík. Landhelgisgæslan

Landhelgisgæslunni barst í dag tilkynning um eld um borð í erlendu flutningaskipi undan ströndum Íslands. Áhafnir tveggja þyrla, varðskipsins Þórs og sjóbjörgunarsveitir Slysavarnafélagsins Landsbjargar á Suðurnesjum voru kallaðar út á mesta forgangi.

Fimm reykkafarar frá Slökkviliði höfuðborgarsvæðisins voru um borð í einni þyrlunni.

Seinna kom þó í ljós að sprenging hefði orðið í vélarrúmi skipsins og mikill reykur en enginn eldur hefði kviknað. Því var dregið úr viðbúnaði vegna atviksins.

Skipið varð vélarvana en engin slys urðu á fólki. Þrettán eru um borð í skipinu samkvæmt tilkynningu frá Landhelgisgæslu Íslands.

Báðum þyrlunum var flogið til skipsins, þar sem það var um 25 sjómílur suðaustur af Grindavík. Um er að ræða 7.500 tonna flutningaskip sem var á leið með farm hingað til lands.

Áhöfn skipsins náði tökum á ástandinu um borð fljótlega eftir að þyrlunum hafði verið flogið á vettang og þurfti reykkafararnir aldrei að fara um borð. Þyrlunum var flogið aftur til lands og björgunarsveitir  afturkallaðar. Varðskipið er þó áfram á leið á vettvang.

Landhelgisgæslan Björgunarsveitir Slökkvilið Grindavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið